TË LUFTOSH E TË VDESESH PËR LIRI ËSHTË FAT DHE TTRIMËRI

Jahë Sadrija: Të luftosh e të vdesësh për liri është fat dhe trimëri



U mbajt Akademi Perkujtimore në 10- vjetorin e rënies së 14 dëshmorëve të UÇK-së

TË LUFTOSH E TË VDESESH PËR LIRI ËSHTË FAT DHE TTRIMËRI

Nga Jahë Sadrija

Në pallatin e Kulturës “Asim Vokshi” në Gjakovë, me fillim në orën 13:00, në praninë e anëtarëve të familjeve të dëshmorëve dhe në prani të shumë qytetarëve, u mbajt, Akademi përkujtimore në 10-vjetorin e rënies së 14- dëshmoëve në Shishman të Bokës, në Komunën e Gjakovës, në kufirin Kosovë-Shqipëri. Dëshmorët janë nga trevat e ndryshme të Kosovës. Për nder të 10-vjetorit të rënies heroike të këtyre dëshmorëve të kombit, u bënë homazhe nderimi dhe u vunë kusora lulesh në vendin ku kishte ndodhë tragjedia, pra në Shishman të Bokës.
Lehtë u përballuan sakrificave të luftës, deri në ditën e vrasjes, pra deri në ditën e 29-03-1999, kur e fituan pavdekësinë e përjetshme.
Në taborrin e luftëtarëve të lirisë atë ditë të kobshme, heroikisht ranë dëshmorët:
1. Armend Qymyri 08.09.1976 Gjakovë
2. Besim Rama 05.07.1963 Botushë
3. Bujar Shala 20.03.1978 Rashiq
4. Bujar Syla 14.11.1974 Gjakovë
5. Ibrahim Asllani 05.07.1973 Devë
6. Naim Lataj 21.01.1977 Smolicë
7. Nuhi Elezaj 27.04.1981 Lubizhdë e Hasit
8. Mon Maqi 11.04.1975 Shishmon
9. Mehdi Zabeli 16.03.1968 Vushtri
10. Kadri Berisha 28.04.1966 Pozhar
11. Florim Sejdiu 02.06.1976 Smolicë
12. Jashar Jashari 16.02.1962 Vushtri
13. Jahja Danuza 27.04.1971 Rahovec
14. Xhemajl Avdullahu 12.03.1964 Gjakovë

Në ketë Akademi përkujtimore u vlersua, pos tjerash, si detyrë e përhershme të mbetet ngritja në nivelin më të lartë të vepres së dëshmorëve, që më gjakun e tyre po e shkruajnë historinë e Kosovës së re.
Në sistemin tonë demokratik që po e ndërtojmë, për asnjë çast nuk duhet të harrohen shtyllat e kombit, të cilat janë ngritur me gjak e sakrifica në tokën e Kosovës dhe bartin më vete mesazhin kombëtar Shqiptar, kurorën e lavdisë Shqiptare.
Duke qëndruar konseguentë në mbrojtje të vepres së dëshmorëve, të bijëve të renë, duke qëndruar të lidhur më masat e popullit, në vazhdën e kësaj rruge të shenjtë, ne kemi guximin, përgjegjësinë, frymën e lartë të përkushtimit për të mbrojtur veprën e lavdishme të dëshmorëve, vepër kjo që do të mbetet shembull i lartë frymëzimi ndër breza, u tha në mes tjerash në ketë Akademi Përkujtimore.
Lavdi!