Piktura Shqiptare

Beteja e Kaçanikut


Edhe në realizimin e kësaj tabllje kompozicionale jamë frymëzuar nga heroizmi i forcave shqiptare kryengritëse antiosmane të krahinave të Kosovës gjatë luftimeve të ashpëra të zhvilluar në Grykën e Kaçanikut në prill të vitit 1910.(Në këtë betej forcat e ushtrisë osmane ishin katër herë më të mëdha se forcat kryengritëse shqiptare). Beteja vazhdoj me luftime të ashpëra për dy ditë rresht duke kaluar deri në luftime trup me trup. Humbjet në këtë betejë ishin shumë të mëdha për të dyja palët aq sa bashkohësit Grykën e Kaçanikut e kanë quajtur ´´Termopilet shqiptare``.
Kompozimin në tërësi jam perpjekur ta trajtoj me një forcë dinamike dhe një frymë optimiste, ekspresive, të paraqes heroizmin masiv nëpërmjet lëvizjes së figurave të malësorve. Vërtetësin e ngjarjes jam munduar ta paraqes nëpërmjet psikollogjisë së portreteve të dy palëve kundërshtare, terrenit të thyer shkëmbor, natyrës, veshjes, armëve etj. Me këtë tabllo kam dashur të paraqes një tjetër moment historik të rëndësishëm të luftës së popullit shqiptar për liri e pamvarsi.

Rapo Hekali





Udhëheqës i kryengritjes së vitit 1847 kundër shtypjes kombëtare e shoqërore osmane. Eshtë një figurë pergjithësuese e luftëtarëve të lirisë

Në shtabin e Përgjithshëm "Odriçan"






Kjo është një tabllo me rëndësi, ku pasqyrohet komandanti i përgjithshëm i ushtrisë partizane,në shtabin e përgjithshëm në Hekal, nga ku ka drejtuar në përgjithësi luftën partizane.
Për herë të parë në këtë vit, që i takon periudhës së vitit 1944, ushtria partizane nga njësit e vogla kaloi në njësit e mëdha partizane në brigada e divizione. Natyrisht ishte i nevojshëm drejtimi i operacioneve edhe në hartë. Harta dhe dokumentacioni i përgjithshëm janë konkret dhe të marë nga historia e vërtet e luftës partizane.
Tipat janë përgjithësues me përjashtim të figurës së Enver Hoxhës,të tjerët janë personazhe që përgjithësojn disa figura të tjera historike që kanë marrë pjesë në shtabin e përgjithshëm dhe që kanë drejtuar njësit partizane. Veshjet, kostumet janë pikërisht të asaj kohe si dhe ambienti të çon në kohën e luftës së dytë botërore. Përsa i përket anës kompozicionale unë jamë përpjekur që këtu gjithë epiqëndra të jetë tek figura e komandantit të përgjithshëm dhe komunikimin e tij nëpërmjet veprimtarisë me personazhe të tjerë siç mund të ishin komandantë të brigadave apo të divizioneve.
Në këtë tabllo për mendimin tim e rëndësishme është natyrshmëria e veprimit dhe vërtetsia historike e parë kjo edhe në element të tjerë komponent siç janë për shëmbull: armatimi, veshjet që janë pikërisht karakteristike të kohës,detajet e tjer..
Tablloja është vlerësuar edhe nga kritika. Fitoi çmimin e parë kombëtar me rastin e 30vjetorit të themelimit të ushtrisë popullore.