KRIJUESIT E ARTIT DHE LETËRSISË SHQIPTARE NË GJERMANI

KRIJUESIT E ARTIT DHE LETERSISE SHQIPTARE NE GJERMANI GJITHENJE MA AFER PUBLIKUT
Nga Asllan Dibrani

Grupi i krijusve shqiptarë para perfundimit te takimit letrar

Grupi i krijusve shqiptarë para perfundimit te takimit letrar

Krijuesit shqiptar në Gjermani po e ngisin gjithnjë imazhin e vet drejt nje strategjie te mirëfillt ne fushën e kulturës dhe të artit me një krijimtari tërheqëse për lexuesit shqiptar dhe të atij gjermane!

Lidhja e Shkimtarëve dhe Artistëve Shqiptar në Gjermani është vazhdimisht në rrjedha te një ser aktivitetesh që nga krijimi i sajë para dy vitesh.Lidhja e Shkrimtarëve Artistëve dhe Krijuesve Shqiptar në Gjermani shpesh herë gjatë kësaje periudhe ka dalë para publikut me promovime librash,takime letrare,manifestime kulturore ,perkujtime dëshmorësh manifestime të datave me karakter kombëtar e të tjera.Aktiviteti i tyre sikur ka marre një frymë tradicionale të zhvillimit të kultivimit të krijimtarisë së tyre në mërgim.Një takim i radhës u mbajt edhe me datën 2 Maj në qytetin Koblenz të Gjermanisë ,një orë letrare në kuadrin e se cilës u bë edhe promovimi i librit ma te ri”Prekja e endrrës” e poetit Hasan Qyqalla.Vëllezërit Gjoni themelues te shoqatës “Stublla” të emerrtuar me toponomin e fshatit te tyre nga Stublla e Kosovës ishin edhe vitin e kaluar nikoqirët e orës letrare po me të njëjten datë ,në bashkeorganizim me Lidhjen e Shkrimtarëve dhe Artistëve shqiptar në Gjermani dhanë kontribute edhe kësaj here për ta bërë realitet moton, takime letrare tradicionale në Koblenz të Gjermanisë. Ishte ora 18 e ditës së shtunde ku qindra artdashës kishin udhëtuar me qindra kilometra por pati pjesmarrës edhe nga Kosova dhe nga shtetet tjera të Europës, ku shqiptarët janë të përqendruar si emigrant. Fillimisht programi filloj me intonimin e himnit kombëtar te të dy shteteve , atij te Kosovës dhe te Shqipërisë rrespektivisht himnin kombëtar. Programin e hapi zonja Alma Papamihali antare e Lidhjes së Shkrimtarëve dhe Artistëve Shqiptar në Gjermani me ç`rast shpalosi dhe prezentoj renditjen e programit,ku ndër te tjera përshendeti pavaresinë e Kosoves ,pranimin e Shqiperisë në Nato dhe dorzimin e aplikimit te hyrjes së Shqiperisë në Bashkesinë Europiane. Nga zonja Papamihali u propozua të mbahet një minutë heshtje për ti nderuar të gjithë dëshmorët e kombit dhe pastaj skenen i la arsimtarit dhe nje aktivisti të dalluar, zotit Sejdi Gashit i cili u prezentua me një skenar filmik të ngjarjeve kombëtare që nga shpallja e pavarësisë së Shqiperisë dhe ndarja e sajë nga sundimi turk,ishte e prezentuar edhe lufta e dytë botërore dhe sakrificat shqiptare të asajë periudhe,me pas nga fotografi dhe mbishkrime të këtyre periudhave, ishin edhe nghjarjet e vitit 1981 që ishin ngjarëjet ma te organizuara kombetare për ti fut shqiptarët e Kosovës drejt aspiratave përfundimtare për t`u çliruar nga okupatori serbo-sllav.Ato ngjarëje janë dhe do te mbesin tek populli shqiptare ndër ma te lavdishmet sepse u bënë zëdhënëse dhe flamurtare për ti përmiresuar gabimet e historisë së luftës së dytë botrore, qe padretësishe Kosova mbeti nën sundimin e Jugosllavise artificiale me ç`rast themelet e ish Jugosllavise u rrënuan po nga këto ngjarëje. Skenari i filmit la mbresa perkujtuese me dëshmi të theksuara deri të ngjarëjet e fundit të shpalljen e pavaresise së Kosovës . Pastaj fjalën e mori z. Naser Halili i cili i përshëndeti të pranishmit në emër të Lidhjes se Shkrimtarëve dhe Artistëve Shqiptar në Gjermani si sekretar i kësaj shoqate dhe përgezoj promovimin e librit të ri nga poeti Hasan Qyqalla.Ma vone fjalën përshendetëse e morën edhe përfaqesuesit e partisë demokratike z.Sadri Lata dhe antari i lidhjes demokratike z.Ejup Shala. Zoti Nikolle Gjoni kryetar i shoqatës “Stublla “ i përgëzoj të pranishmit e orës letrare dhe mysafiërt duke i ftuar dhe për takime të tjera me karakter kulturor. Pas fjaës përshëndetëse të lartpermendurve , tubimi kaloj në fazën e promovimit te librit. Mbi vlerat e këtij libri foli poeti Dibran Demaku ku theksoj se është një libër i vlerave të larta te të shprehurit e vargjeve me tematike dhe figuracione me njjë koloritet të gjithëmbarëshem, duke u prekur ndjenjat e autorit ndaj atëdheut dhe nda aspiratave tona kombetare .Edhe vet autori bëri recitimin e dy poezive të shkëputura nga libri “Prekja e ëndrës” poezinë e parë me titull njohja me “Elin nga Çamëria” dhe poezinë e fundit të librit me titull” Prekja e ëndrrës”ku u emëtua edhe titulli i librit ma të ri i poetit Hasan Qyqallës,pas botimit të dy librave të ma herëshme me poezi,me titull “Dua të vdes shqip”botuar ne 2004 dhe “Robi i lirisë” botuar në vitiv 2007. Në vazhdim të programit u shpall edhe konkursi letrar që do të prezetohen para publikut me vargjet e veta poetët pjesëmarrës në sallë. Para se te fillonte prezentimi i poetëve z.Papamihali ftoj ne skenë antarët e jurisë për vlerësimin dhe ndarjen e çmimeve ,poetin Sarë Gjergji antar i Lidhjes së Shkrimtarë të Kosovës dhe mysafir nga Kosova i ardhur enkas për këtë takim ,Asllan Dibranin anëtar i kryesisë së Lidhjes së Shkrimtarëve dhe Artistëve shqiptar në Gjermani dhe piktor nga Shtutgardi ,si dhe Sadri Lata përfaqesues i PDK ne Gjermani. Konkurimi i i pjesmarrësve ishte me sa vijon:Kastriot Ferizi u prezentua me poezitë “Lulja e bozhurit”dhe e “E ndaluara”,Dibran Demaku me poezitë “Kosova po del ne vete” dhe poezinë kushtuar” Jasharëve për rezistencën heroike ndaj atëdheut” .Sadik Krasniqi me poezinë “Unazë dheu”Alma Papamihali u prezentua me poezitë “Kur martohesh me poet”dhe “Gjuhë shqipe kamë në vete”,Pal sokoli “Amanet Drinit” u prezentua edhe Sevëme Preteni e cila interpretoj dy poezi të veta për pavaresinë e Kosovës etj.Mbresa të veçanta la të publiku edhe prezenca e një poetje gjermane Heike Schölman që jetonte në rrethin e Hanoverit dhe kishte udhëtuar mbi 300 kilometra për t`ju bashkuar këtij takimi letrar e cila interpretoj poezitë e saja ne gjuhën gjermane. Pasi përfundoj konkurimi i pjesmarrësve për poezitë ma të mira, jurisë i mbeti që ti ndajë çmimet e ma të mirëve dhe sipas vleresimit te jurisë çmimi i pare i takoj poetes Alma Papamihalit, çmimi i dytë ju nda Sevëme Pretenit dhe çmimi i tret poetit Pal Sokolit.Ndërsa me çmimin e publikut u shpërblyen, poetja gjermane Heike Schölman dhe Kastriot Ferizi.Në fund anëtari i jurisë Asllan Dibrani i përshendeti të pranishmit dhe bërë një analizë letrare të këtyre poezive të pjesmarrësve të interpretuara para publikut,duke theksuar se vërtet e kishim vështire ti ndajmë shpërblimet por i ndamë ashtu sipas vlersimit tonë dhe iu uroj suksese në të ardhëmen, sepse vargjët dhe krijimtaria e mergimtarëve tanë do të jetë një pjesë ekulturës artit dhe historisë që po e lëmë pas vetes për brezat e ma vonshëm.

Reportazh i shkruar me daten 07.05,2009

në Shtutgard nga Asllan Dibrani

Grupi i krijusve shqiptarpo perfundimit te takimit letrar

Pamje nga publiku ne këtë takim
Hasan Qyqalla autori i librit

Alma Papamihali fituese e çmimit te parë

Sevëme Preteni majtas me grupin e poeteve fituese e çmimit te dytë

Pal Sokoli fitues i çmimit të tretë

Poetja gjermane Heike Schölman që fitoj çmimin nga publiku

Kastriot Ferizi poet fitues i çmimit nga publiku

Anëtarë e jurisë Sarë Gjergji Asllan Dibrani dhe Sadri Lata

Dibran Demaku, poet