Nezir Myrta / FJALËT VONOJNË

Nimfa Mon Mar 02, 2009 5:15 pm

Nezir Myrta / FJALËT VONOJNË

Njomëza ime -
ylli yt të lindi
pas flokëve në gërsheta
zgjohu shihja driten

me t'i marrë sytë

do ta keshë në dorë të njomë
do të të dridhet zemra kah qielli
duke i fshirë sytë me lot gëzimi

do të çmendesh pas tij
gjithditenelume në vrapime

fjalët vonojnë

po zgjohu -
edhe pa një ëndërr
ma e bukur
t'i ngjajsh mëngjesit

ndoshta edhe për një këngë
ma e madhe -
se Shota e Nora e Kelmendit

e di ti ende je e vogël
ta këndosh Marsejezen
njomëza ime -

po zjohu -
edhe për një fluturim të zemres
mm lart tej yjeve

se ylli yt -
ishte tepër i largët

e dij -
ende buzët tua
piklojnë tambël
e,
të ligat rrinë gojëhapur
shkofshin me të liga

u ndriçoftë -
udha e jetës sate
vetëm me diell!

Njomëza ime

zgjohu ma, zgjohu
mendo -
se do të shohësh diçka
që do t'i besohet
ma shumë së ëndrrës

unë ëndrrat i kam iri
njomëza ime
se e kujtoj prrallën
e gomarit e ujkut
'bone zo' ondërr'

nuk i dua jo -
heronjt e ëndrrave të liga
ato siellin -
vetëm vuajtje e trishtime

mjaftë me u rritem me ëndrra
bërezoëndërr!

Njomëza ime -
zgjohu e gëzuar
edhe në acare e shtrëngata
edhe ato janë të ngrohta në parzmin tim
i kthej në fllade të ëmbla për ty

ti ende nuk e din -
sa trishtime ka pasë kjo natë
sa qeni lehu në oborr
me këmbë të vet në gojë
duke ndjellur kobe të zeza

e ti njomëza ime -
endrrove endrra te liga
prej ulurima ujqish që dolën
qen nga vatha jonë
po zgjohu -
të vijosh shkollën e jetës
edhe për këtë poezi ma shumë
krrokamat e vdekshme
do të pushojnë

fjalët vonojnë!