Nezir Myrta / BUNA

Nimfa Mon Mar 02, 2009 5:23 pm

Buna je jeta e rrëmbyeshme

cilat valë më të rrëmbyera
valet e Bunës a valet e jetës
sa diell sa shi me stuhi -
Jeta të nxitë të shkrepesh edhe gur fjalësh të rrufeve
edhe pa dashje
sepse -
edhe Ne duam të shkrepim gur fjalësh dashurie
se nuk i kemi lindë zotit me zor

Po si i ke Valët sonte Buna...?

Ne zogj dielli e zogj stuhishë
por - ndihemi krenarë
sepse -
kur bie shi me shtrëngata meçava të frigshme
e skuqet qielli me vëtëtima nga gjarpinjt e rrufeve
të gjithë zogjët e gjallesat më të fuqishme
struken vrimave - e vetëm
shqiponjat fluturojnë lartë në qiell
dhe shpërlajnë krahët në tallazet e fortunave!

Derikurë Ne do t'i lajmë Mëkatet e Evës?!
E -
Athua i lanë Mëkatet Tona edhe Eva n'AtëBotë!?

Jemi zogj dielli e zogj stuhishë
larg Atdheut jeta -
Ferr me Lule!

Dua të të shohë në sy Buna ime -
se më shumë e dua Bunën me valët e saja
që ta freskojnë shpirtin ëmbël Valet Tona
se sa Amazonin me valle të çmendura zonash!

Kjo është jeta Buna...

e ç'më gjet, që ndjehëm pranë puhisë së Bunës sonte?
Shqiponjë mbi Valet Valë - e jo si Noli Anës Bunës!
Se Noli mbeti në Boston!
E aqë shumë e deshi Bunën!

Kjo është Jeta
Buna ime!