15 artistë në kronikën e zezë

Jo gjithmonë janë objekt i kronikave kulturore. Kur bëhen "autorë" ose "viktima", kalojnë në faqen e kronikës së zezë. E ndërsa të parat mbartin lavdinë e sukseset, të dytat mbartin momentet më të vështira të jetës së tyre. Janë 15 artistë të cilët janë bërë objekt i kronikave të zeza. Kronika më e hershme lidhet me këngëtaren Vaçe Zela, e cila u ndodh para hajdutit që do i vidhte shtëpinë. Ndërsa më e fundit është ajo e Liljana Kondakçi, e cila u arrestua pak ditë më parë në Itali, pasi iu gjetën rreth 4 kilogramë lëndë narkotike. Ka pasur artistë të cilët janë ndodhur në të dyja anët e historisë, në atë të viktimës e në atë të autorit. Bujar Qamili është gjendur në shtëpinë e tij "të zhveshur" fill pasi ishte kthyer nga një dasmë ku merrte pjesë edhe hajduti që ia kishte bërë gjëmën. Por këngëtarit të muzikës popullore, i ka rënë rasti të gjendet edhe në një fatkeqësi të shkaktuar pa dashje dhe për të cilin nuk pati faj. Një aksident automobilistik i shkaktuar prej tij, ka bërë që të humbë jetën një banor 64 vjeç nga Malësia e Madhe. Po në të njëjtën situatë është gjendur edhe humoristi i madh shqiptar Sejfulla Myftari. Ai u dënua nga gjykata për një aksident që i shkaktoi vdekjen një banori të fshatit Poshnjë të Beratit. Ndërkohë, Viktor Zhusti e Koço Devole janë përballur me akuzat ndaj drogës. Por ka pasur edhe kronika të cilat kanë lajmëruar vdekjen e hidhur të tyre.

Cekja përfundon në qeli

Humoristi i njohur i skenës shqiptare, Sejfulla Myftari, ose siç njihet ndryshe, Cekja, në 18 tetor të vitit 2003 pushtoi të gjitha ekranet e televizioneve në Shqipëri. Por kësaj here teleshikuesit nuk e panë në ndonjë komedi ose në ndonjë skeç të ri, por në edicionet kryesore të lajmeve. Kjo për arsyen se Myftari aksidentoi pa dashje me automjetin e tij, në fshatin Poshnje të Beratit, Minella Kumuraku, banor i këtij fshati. Cekja u dënua nga Gjykata e Beratit me 9 muaj burg dhe një vit heqje patente. Dënim që iu konvertua aktorit të njohur me dy muaj burg pas ulje i 1/3 të dënimit, pas pranimit të akuzës dhe kohës së paraburgimit. Cekja do të pushtonte përsëri edicionet e lajmeve vetëm pak ditë pas aksidentit, kur nëpërmjet televizionit i kërkoi familjes së viktimës një falje publike. Sipas aktorit të njohur, ky ishte një nga momentet më të vështira të jetës së tij.

Aksidenti i Bujar Qamilit

Këngëtari I njohur shkodran është bërë dy herë objekt i kronikës së zezë. Një herë si viktimë dhe një herë si autor. Në Janar të vitit 2002 ai është gjendur i përfshirë në një aksident rrugor. Ai ka përplasur një këmbësor. Këmbësori ka gjetur vdekjen e menjëhershme. Fillimisht, Qamili është ndaluar nga policia, por është liruar. Ndërkohë një histori tjetër është ajo kur hajdutët I vodhën shtëpinë. Në vitin 1991, ndërsa këndonte në një dasëm në Shkodër, bilbili i këngës shkodrane nuk e dinte që pikërisht një nga dasmorët kishte hyrë në shtëpinë e tij për të vjedhur. Kur shkoi në shtëpi, këngëtari nuk gjeti as televizorin, as manjetofonin e deri te tapeti. Hajduti u gjet nga shenjat e gishtërinjve që kishte lënë në derë.

Koço Devole kapet me drogë

Ka kujtuar se është në një kamera të fshehtë, por prangat e ftohta të karabinierit të veshur civil, e kanë bërë të mendojë ndryshe. Megjithëse rreth e rrotull tij, gratë bërtisnin, ai ende vazhdonte të mendonte se ishte kamera e fshehur dhe madje qeshte për mënyrën e realizimit. Vetëm kur i kanë vënë prangat në dorë, humoristi shqiptar, Koço Devole, e ka marrë situatën seriozisht. Ai është arrestuar në Itali, më 9 nëntor të vitit 2003, pasi në bagazhet e makinës me të cilën po udhëtonte për të shkuar tek i biri, i është gjetur 5 kilogramë heroinë. Humoristi shqiptar ka qëndruar 8 muaj në qelitë e një burgu në Rimini deri sa më datë 23 qershor të vitit 2003, pasi u vërtetua pafajësia e tij, Devole lihet i lirë. "Mund ta krahasoj me atë gozhdën që të ngulet në trup dhe megjithëse del, vrima mbetet gjithsesi", tha aktori në një intervistë dhënë gazetës "Panorama", pasi u kthye në Shqipëri.

Sulm Naun Shundi

tKëtë herë është ndryshe, pasi aktori nuk ka pësuar vjedhje, por ka qenë pre e sulmit nga dy të panjohur. Ngjarja ka ndodhur në vitin 1996. Kështu nuk ka shpëtuar nga shkelmat dhe grushtet edhe aktori i Teatrit Kombëtar, Naum Shundi. Ky i fundit është sulmuar nga dy persona teksa kthehej nga shtëpia. Pasi dy të panjohurit përveç "dhuratës" së dhunës nuk menduan t'i jepnin më shumë. Pasi përveç dhunës që ka marrë aktorit të njohur të Teatrit Kombëtar nuk i është marrë nga xhepi asnjë qindarkë. Por këtë sulm ndaj tij aktori nuk preferoi të bëjë denoncim në polici duke e mbyllur me kaq këtë ngjarje. Ndoshta, Shundi ka menduar se policia ka halle më shumë se të merrej më gjetjen e autorëve të këtij sulmi.

Zusi flijon veten

Këngëtar i hard rrokut, Zusi, bëri veprimin më fatal ndaj vetes. Shtypi i kohës e përcolli me dhimbje gjestin që s'ishte aspak i pritur nga këngëtari me pseudonimin Zusi. Në mëngjesin e një dite nëntori, atij i ka mjaftuar një shkrepje karabine drejt vetes duke bërë që jeta e re të shuhej përgjithmonë. Të gjithë kolegët e djalit janë shtanguar nga ai veprim i paapritur. Ndoshta gjendja shpirtërore apo diçka më tepër e ka shtyrë atë të bëjë aktin e dhimbshëm. Motivet e ngjarjes kanë mbetur mister edhe për të afërmit e këngëtarit të hard rrokut. Rasti i Rusit, duket se e prish zakonin sipas të cilit artistët e shijojnë jetën shumë më gjatë nga të tjerët. Në historinë e artistëve shqiptarë, është ndër rastet më të rralla me një fund të tillë të jetës.

Inisi, “viktimë” e dashurisë

Inis Gjonit "show girl" i kanë kushtuar jo pak "dashuritë" e saj. Që nga momenti kur emri dhe imazhi i saj është bërë publik, ajo ka qenë shpeshherë personazhi kryesor i kronikave të zeza. Bukuroshja që tashmë është kthyer edhe në një regjisore e suksesshme ka provuar për disa orë dhe aromën e një qelie të paraburgimit në një nga komisariatet e kryeqytetit. Përgjithësisht ajo është munduar t'i kalojë në mënyrë "të lehtë" duke menduar jo vetëm të ruajë imazhin e krijuar me shumë mund ndër këto vite, por edhe të qëndrojë korrekt më institucionet e drejtësisë në vend. Është gjendur përpara hetuesve të policisë për të dhënë dëshmi të cilat do ta vinin në vështirësi cilindo person, jo më një artiste. Vajza e ekranit së fundmi është bërë objekt i mediave për shkak të videos të dalë në qarkullim, e cila ka subjekt pikërisht atë

.Keqtrajtimi i Ferdinant Radit

Është larguar nga jeta, por ende kujtohet ai rast kur në gazeta u shkrua për aksidentin e tij. Parakalimi i një makine dhe frenimi i saj i menjëhershëm, nuk kishte si të mos kuptohej nga Radi si një synim i hapur për të dëmtuar. Tamam kështu i ndodhi atë pasdite të 24 shkurtit 1998. Dy krahët e thyer dhe plagë në trup ishte epilogu i aksidentit të dëshiruar për dy të rinjtë. E sikur të mos mjaftonte kjo, pronarët e "Benzit" dolën nga makina dhe me fjalë fyese nisën të tallen dhe ta kërcënojnë nëse do të lajmëronte në polici. Kjo ishte panorama e aktorit dhe regjisorit, që këtë shfaqje nuk e shkëputi dot nga shfaqja që po jepej ato ditë në Teatrin Kombëtar me titullin "Inspektori". Shprehja: "rublat që iu siguroj janë më të pastërta", patjetër që lidhej me aksidentin e bulevardit. Madje, një organ shtypi do të shkruante në krye të lajmit se ishte sulmuar simpatizanti i "Bashkimit për Demokraci". Ndoshta lidhjet e Radit me politikën e kishin zanafillën në zgjedhjet e 29 qershorit 1997 ku ai kandidoi për Partinë Demokratike.

Vjedhja e çiftit Mani

Në verën e viti 1992, ndoshta hajdutët kanë menduar t'i vjedhin artistët qoftë edhe një herë të vetme dyshe. Hetuesit që kanë punuar në atë kohë në Prokurorinë e Tiranës tregojnë se teksa bashkëshortët aktorë, Piro e Pavlina Mani ktheheshin një mbrëmje në shtëpi, janë shtangur nga mungesa e disa sendeve dhe objekteve në dhomat e tyre. Dikush kishte hyrë në apartament nga dritarja apo dera dhe nuk kishin harruar të merrnin deri edhe mbulesa e perde. Ndërkaq, denoncimi i bërë në polici nga dy artistët e ekranit, nuk bëri më shumë se kryerjen e një procedure rutinë nga e uniformave blu, pasi askush nuk mundi të zbulojë hajdutët e artistëve Mani.

Alqi Boshnjaku bie nga hoteli

Një fatalitet tragjik. Kështu do ta përshkruanin kolegët aksidentin që i ndodhi një prej artistëve më të mëdhenj të skenës shqiptare. Rekordmeni i teksteve të këngës së lehtë shqiptare, Alqi Boshnjaku ka gjetur vdekjen, duke u bërë një lajm i hidhur për të gjithë njerëzit dhe artëdashësit shqiptarë. Një rrëzim nga kati i dytë i një hoteli në Durrës, bëri që të merrte disa plagë të rënda, të cilat i shkaktuan shembje në kokë. Ndihma që i dha Spitali Ushtarak në Tiranë, ndoshta nuk ishte e majftueshme. Dhe për këtë ai u përcoll në Greqi. Por pikërisht në vendin ku jetonte prej kohësh bashkë me vazjat e tij, Boshjaku mbylli përgjithmonë sytë.

Gëzim Nikës i vjedhin makinën

Ishte gati të këndonte këngën "Shqipëri o nëna ime". Ishin orët e vona të natës së 15 dhjetorit të vitit 1998, kur këngëtari popullor Gëzim Nika, ndërsa do t'ia niste këngës në makinën e tij, përballet me maskat të cilët ia vjedhin "Wolksvagenin" luksoz. Më shumë jashtë shtetit se në Shqipëri, një muaj më parë Nika e kishte marrë një vendim. "Jeta ime i takon kësaj toke" kishte vendosur më në fund këngëtari nacionalist në këngë dhe në jetë. Dhe kështu nga Amerika e largët së bashku me gruan dhe dy fëmijët merr rrugën për në Tiranë. E ndërsa propaganda e tij në familjen e babait dhe të vëllait vazhdonte, nuk i shkoi në mendje se çfarë do t'i ndodhte. Atë natë kthehej në shtëpi ndërkohë dy persona me maska i ndalin rrugën, i drejtojnë tek koka kallashnikovin dhe i thanë të linte makinën. Vetëm dy ditë më pas, një avion i linjës Tiranë-New York mori në bordin e tij edhe këngëtarin shqiptar, i cili i mërzitur në kulm u betua se nuk do të kthehej kurrë më ku kishte lindur.