Kronike e zeze

Dhunoi seksualisht minorenen, prangoset

LEZHË- Një tjetër rast abuzimi seksual me minorene dhe një tjetër i ri i vënë në pranga. Historia është përsëritur në fshatin Tale të Lezhës, ku në pranga është vënë një 19-vjeçar, i akuzuar për kryerje të marrëdhënieve seksuale me dhunë me një vajzë minorene. I arrestuari është 19-vjeçari, Kristian Lulaj, banor i fshatit Tale. "Ai është arrestuar pas denoncimit të prindërve të vajzës së dhunuar"- thanë burimet e policisë, duke sqaruar se ai e ka tërhequr vajzën në lokalin e tij në fshat dhe ka abuzuar me të seksualisht.
Ende nuk janë bërë të qarta rrethanat në të cilat ka ndodhur ngjarja, ndërkohë që policia është duke mbledhur dëshmi për këtë rast. Dosja hetimore i ka kaluar për hetime prokurorisë së rrethit, ku mbi të riun është caktuar akuza e "kryerjes së marrëdhënieve seksuale me dhune me minorene".

GJERGJ FIGURI | 06/03/2009