Re: ARTAN GJ. HASANI-Epigrame

Orfe Wed Dec 10, 2008 11:33 pm

Vjeshtë qe rrëzon teorema gjethesh

Unaza jote mezi merr frymë kësaj vjeshte.
I ka mbetur në grykë gishti im...

Orfe Wed Dec 10, 2008 11:33 pm

Variacione mbi unazat

Gjurmë mbi gishtin tënd lë unaza ime...
tek e jotja gjurmën e gishtit tim shikoj.

Orfe Wed Dec 10, 2008 11:33 pm

Vite më parë...

Sa herë vinte në takim
e hiqte unazën e martesës së trishtë;
gjurma e saj mbi gishtin e brishtë
bëhej lot mbi qerpikun tim...

Orfe Wed Dec 10, 2008 11:34 pm

Edhe një herë mbi pamundësitë...

Hënën do të ta vija si gushore
e me yje do të të mëkoja, vogëlushja ime.
Por a mund ta bëjme këtë fshehurazi natës?

Orfe Wed Dec 10, 2008 11:34 pm

NE

Turma bën Harqe Triumfi madhështorë
që më pas të kalojë nën to si robot,
im bir vizaton shtëpiza me dyer të mbyllura,
ku çdo çast unë trokas më kot…

Orfe Wed Dec 10, 2008 11:35 pm

Ajo

Ajo ishte kurvë si një zanore
dhe ai bashkëtingëllorja e saj besnike
në abetaren e të tjerëve...

Orfe Wed Dec 10, 2008 11:35 pm

Mos m’i vrit të hënat!

Të shtunat që m’i vrave
i varrosa cdo të dielë…

Mos m’i vrit të hënat!
Lermë të mbjell qiparisin…

Orfe Wed Dec 10, 2008 11:35 pm

Lule-njeriu

"Më do! S'më do"...
Petalet vetvetes
ia shkul.

Orfe Wed Dec 10, 2008 11:36 pm

Deheroizëm...

Heroi u lind i plagosur...
e kthyen në mit të damkosur...
.....................................
Turma ia mjekoi plagët
për ta rivrarë më pas...pa plagë.

Orfe Wed Dec 10, 2008 11:37 pm

Pamje nga lart

Një tufë me pëllumba mbi vincin ku ishte shkruar:
"Ruhuni nga turma" ndërtoi foletë...
.........................
Më pas erdhi korbi me të zezat pendë
mes turmës pa fole kërkoi zogjtë e vet...

Orfe Wed Dec 10, 2008 11:37 pm

Aksiomë e një nate vere

Dashuria është streha e të pastrehit që nata e zë në shi
dhe jo hoteli i të dehurit që s'gjen rrugën për në shtëpinë e tij...

Sponsored content