ARTAN GJ. HASANI-Epigrame

E VERTETE ???

Te pata thene, te pata thene dikur
dashnori s'te behet mik
e miku dashnor kurre....

Vetmia jote

Vetmine tende e vura ne kafaz.
Nje dite ia hapa deren.
Nuk iku. I ishin merzitur qiejte.

NJERIU I VOGEL

E vrava enderren
qe te mohoja
gjumin tim.

Ndjesi...

Me lule hiri pranveren time mbolli
tymi i trenit qe te mori ty....

Bashkeshortet (nganjehere...)

Nga njeri-tjetri nje enderr larg...
me njeri-tjetrin
nje gjume te gjate prane...

I vonuar i perjetshem..

Une nuk isha kur turma arriti atje...Kurre s'kam qene...
Vazhdimisht shume hapa prapa saj larg...
Nje enderr perpara...

Rutinë

…në qerpikët e kësaj bote ngecur jam
dhe lot më duket pështymë e saj…

Haiku për lule-greminën

Ti nuk je më e dëlirë si më parë
lule - greminë kapricioze:
Tashmë mbi ty ka rënë vështrimi im.

Ditë shiu…

Bie shi, por nuk shoh pikat e tij…
Qerpikët e tu paskan etje…

Ora zero

Tashmë është vonë…
Arrita kaq shpejt

Gjethe në erë...

Në pranverë të përkëdhel me stuhi...
në vjeshtë të mbroj nga puhiza...

bumerang

e putha aq shume
sa kurre s'mesova cfare shije kishte
puthja e saj...

Mesnate...

Akrepat e ores shplodhen mbi njeri tjetrin...
Ra ora 12 edhe ne shtratin tone
me 12 renkime...

Gjendje gripale…
Me dhemb gjithshka ne trupin tim
Vec teje…

Muzg...

Eshtë muzg….po errësohet…
Eshtë ora kur besnikët vinë…
Eshtë ora kur të pabesët thonë lamtumirë…

Frikë nga lartësitë...

Nuk dua të vdes sepse
kam frikë nga lartësitë...
Po u rrëzova nga varri mbi ju do të bie...

Ajo

Ajo ishte kurvë si një zanore
dhe ai bashkëtingëllorja e saj besnike
në abetaren e të tjerëve...

NE

Turma bën Harqe Triumfi madhështorë
që më pas të kalojë nën to si robot,
im bir vizaton shtëpiza me dyer të mbyllura,
ku çdo çast unë trokas më kot…

Edhe një herë mbi pamundësitë...

Hënën do të ta vija si gushore
e me yje do të të mëkoja, vogëlushja ime.
Por a mund ta bëjme këtë fshehurazi natës?

Vite më parë...

Sa herë vinte në takim
e hiqte unazën e martesës së trishtë;
gjurma e saj mbi gishtin e brishtë
bëhej lot mbi qerpikun tim...

Vjeshtë qe rrëzon teorema gjethesh

Unaza jote mezi merr frymë kësaj vjeshte.
I ka mbetur në grykë gishti im...

Ne s’jemi të lirë

Jemi imitues lirish të pamerituara…
Majmunë të shartuar me kameleonë në guackën e një kërmilli…
Në ekstazë qëllojmë njëri tjetrin me banane lirie;
lëvozhga e tyre - pranga jonë.

Ne s’jemi të lirë ( variant tjeter)

Jemi imitues lirish të pamerituara…
Majmunë të shartuar me kameleonë
qëllojmë njëri tjetrin me banane lirie;
lëvozhga e tyre - pranga jonë.

Zjarr

Jam zjarr…Nuk më shuajnë dot…Më vjedhin…
Prometenjtë e mi digjen rrugës
pa aritur të më falin askund…

Arithmetikë për të rriturit...

Dashuria shumëzohet me caste...
mblidhet me muaj...zbritet me vite...
por...nuk pjestohet kurrë.