NEZIR MYRTA - BUZËQESHJET E LIRISË

Orfe Sun Nov 02, 2008 3:31 am

NJOHJA E UNIVERSIT

- Avdylselam Eminit, dëshmorit
të Universitetit të Tetovës!

(17.Fror, 1995) Në Ditën e Rënies heroike të Dëshmorit!

Shkronjat shqipe ishin gjithmonë të përgjakura
Ato krijuan me gjak fjalën - Ballkan
Shkronjat shqipe edhe në fund të shekullit XX
krijuan me gjak edhe fjalën - Universitet!
Librat shqipe ishin gjithmonë të përgjakura
se tingujt e Shqipes buronin nga aorta e zemrës
Aty ku buron e vlon gjaku i dashurisë arbërore!
Tingëllonin prore me buzë e gojë përgjakura-
Fjalët shqipe Këngët shqipe edhe shiqimet shqipe!

Me gojë të përgjakur gjithmonë folëm e kënduam
Në vend të vajzës arbërore -
Avdylselami puthi plumbat e armikut
dashuroi vdekjen për Jetën e Universitetit
e -
kënga e lashtë mori dhenë e mori botën
edhe ujërat me tallaze të shkumbëzuara:
"O nuk po muj baclok me folë,
Se m'ka ra do gjak në gojë!" - britën
Bjeshkët e Nemuna me Hysen Bajrin
jehonën e tyre e përciellen bjeshkët britmën
në Kalanë e Tetovës - e
britën gurët në themele të Universitetit
nga Pollogu e valet atllantike të gjuha e atllantëve

Bota përjetoi Përmbytjën e Madhe atëbotë,
Bota është përmbytur por jo Atllantishtja!

Me buzë të përgjakura puthëm Gurin themeltar
me dashurinë e parë -
me gishta të përgjakur shfletuam Historinë e Gurtë!
Sepse shkronjat shqipe të gjithë i patën gjak -
edhe kengët tona shqipe të gjithë i patën gjak
edhe si njerëz të kësaj bote qorre na kanë gjak

edhe gojën edhe librin u dasht ta hapim me gjak
edhe shkruam e lexuam vaje prore me lot në sy
edhe Universitetin shqiptar u dasht ta hapim me gjak
sepse ua kanë dro shkronjave të para ballkanike!

Universi është i madh të njihet kaq shpejtë!

Nezir Myrta
Njujork, 17. Fror, 1995.

Orfe Sun Nov 02, 2008 3:37 am

Nezir Myrta

-GJAKU I SHQIPES-

Adem Jasharit
Vret e pret dieg gjallë barbari,
Prekaz i Drenicës kallet zhari!
O ku jeni, bret Adem Jashari
Në armë sot ju thrret Kosova!

Britma vdekje kahdo buçasin!
Çetnikët therrin grinë vrasin!
Troje trime mbrojnë Prekasin!
Kosova tha: Ademo u çlirova!

E di kulla kush mbetët gjallë!
Një mbeti, shkaut i bën ballë!
Gjaku im Ballkan ka me kallë!
Hej! Kosova ka Jasharaj plot!

Reshë ushtarë lirie Qyqavica,
Gjithë shqiptaria sot Drenica!
Ringjallë bërtet Azem Galica!
Gjakun Shqipes ia marrim sot!

Digjet zjarr e flakë Dukagjini!
Në ballë lufte Shqiponja prini!
Tmerrin armikut kudo ia shtini,
Dragoj Dragobie ep Gjakova!

Nga Prekazi deri tej Gllogjani,
Lidhen shqipet në besë vatani!
Kuçedra zezë kurr nuk prani,
Adem Jashari u çlirua Kosova!

Syri i Shqipes nuk rrin në hak!
Meidan armiku bëmë çdo prak!
Lidhur Besa-Besë fëmij e plak!
Dardania - Kushtrim Kombëtar!

Shqipja i dridhi flatrat abërtare!
Rrufeja mbi kuçedrën barbare!
Botën e dridh zemra shqiptare!
Gjaku i Shqipes ngritet në altar!

(05.Mars.1998.)

Orfe Sun Nov 02, 2008 3:38 am

A ISHE NDONJË KRISMË E FJALËS LIRI ?

A ndieni n'shpirt një zë të largët skypas
ju thrret me gërrhamë shekujsh të zhbiruar -
brejtë tejash barbare një zë që brenë ashtin në palc
me amanetin gojëhapur therë thellë n'tru prore -
Yllbardhi Naissa Zharra Dardha Gurshumi Leskoviku e Buajana valet e Marges futë e zezë ende rrjedhin kuq -
po zërat brejtës nga Podguri Zenta e Moraça e tej Tivarit të kobshem?

Gjaku i Tivarit që nuk guxon të harrohet -

po jehonat në Albanik Luginë të Presheves Medvegje e Bujanoc nga Bujana e Bujanoci tej Sharrit Tanushë e Haraçinë e n'Kala Tetove e deri tej Ohrit me sy n'Arbaninë e lashtë -
që pret ‘dy fjalë i çova Devit e nuk e lanë retë’
e gjithmonë amaneti gojëhapur

A vret amaneti gojëhapur a pret

A ishe ndonjë krismë e fjalës - Liri!

Janar, 16. 2005.
_________________
Dashuria ndaj atdheut është fuqi perëndie!

Orfe Sun Nov 02, 2008 3:39 am

ENDJA KISH RRËNJË

- Një nënë vajton t'birin për s'gjalli!

Shumë pave he mos pafsha tjetër, moj loke
edhe gurin e drurin e shtina n'gjynah - e
skurruar n'lot m'dridhet fotoja jote n'dorë

mundohem me t'pa nëpër lot e s'mundem
se m'dukesh i pershkllime vajit
po qysh t'i plasi zoti sytë le që more botën në sy -

po si i trete rrënjet e gjakut n'mallkime të flakur shkrumit

lëshove lozë tretdheut të zi
- tash ec e nxierri rrënjet
me shkarpa nëpër këmbë
me gjak t'syve të rrita e m'dole doresh

pa a edhe unë me dhanë shpirt tue u grrithë n'vetmi a?
- si ato qyqevetëm të botës tande të cilivilizuar e
me i dhanë duhmë një mahalle - derisa ta ndien duhmen dikush nga rruga -

po qysh t'i plasi zoti sytë e m'le qyqevetem
përnat e skurrova n'lot foton tënde sa u pershkllij n'prehër e nuk ngjanë ma në ty mu ka ba duç n'gjij tue ngajtë jetës shtegepashteg - me njanen kamb n'dhe e tjetrën mbi dhe t'ka humbë pamja para syve, moj loke

mendja paska rrënje

_________________

Dashuria ndaj atdheut është fuqi perendie!

Orfe Sun Nov 02, 2008 3:40 am

DREDHA E ERËS

Dredha e erës në rrugë bën pluhnajë

- mbyllni sytë për një çast sa të kalojë
ajo bartë kujtime të diegura e insekte të cofta fjalesh

ndodhë ndonjë infektim eventual
kujdestari i rrugës - nën parmakë të pluhrosur shikon
me bisht të syrit zilia të qet n'punë të trollit

dredha e erës në rrugë mbledhë pluhurin e mendimeve
të shprishura gjethet e fjalëve të verdha pa zanore
çfarë nuk banë e dredhnja
mbyllni hundët për një çast sa të kalojë
- dredha e erës
ndodhë pezmatim i kordhave zanore të pshëretimave

në rrugë ndihet kollitje ironike!

Fror, 20. 2005.
_________________
Dashuria ndaj atdheut është fuqi perëndie!

Orfe Sun Nov 02, 2008 3:41 am

NË TEH TË VËSHTRIMIT TËND

'Në teh të vështrimit tënd'
të mprehtë si anza -
prehet në zgabim ashku i vrullit të zërit gojëhapur
si kokë ushtari ne tehshpate ne një dyluftim të gabuar
- e,
pelcasin arteriet e vrugta të dëshirave të ndryera shpërthejnë dikund afër kujtime të brishta qull - e
tretën si fluska bore të lagshtë mbi faqet e mërdhezura
e,
rënkimet e baladave i len gojëhapur

o ti je zanore e zanuar - në preftim pshëretimash

në teh të veshtrimit tënd
prehet krahu i vetulles sate -
krahdallendyshe kullon zanore të etshme aq shumë
të ëmbla me tu ngjitë buzët në ngjitës
e sa të shkrira e në damarë të krahvetulles sate
gufon afshi spirrë brëngash

në teh të vështrimit tënd
të mprehtë si zana -
prehen ushtri dëshirash në beteja të kujtimeve të brejtura e të preme dikund në antikë
- e,
në fund luan kokn në shenjë pohimi
fituese i rrokullisëë me maja xhufkash të këmbëve -
i kthen mbarë me fytyrë kah zoti trupat
e premtimeve qorre të rëna pa namnishan

O ti je zanore e zanuar -
n'preftim psheretimash!

Fror, 26. 2005.
_________________

Dashuria ndaj atdheut ëështëë fuqi perendie!

Orfe Sun Nov 02, 2008 3:42 am

AGU NË PRISHTINË

Po agon rrezja fjalës së re -

posa filluan të zbardhen psheretimat n'qiell
qetësinëë e natës ende thejnë klithmat e do qenve e krrokamat e do korbave -

retë e kuqrremta të djerësve të ëndrrave zbardhen

tymtaret elektrike ende qesin tym ligniti në terr
tëndave të familjeve të dëshmorëve iu fishkëllon dimri
e pipat e hijeve uniforme të pallateve të shumë horrave
iu ushton broçkulla pop-rroku
e,
nëpër rrugë ndihen cicërima zogjësh e cingërima
të çelsave të dyqaneve e punëtorët ende flejnë

po lind dielli mbi Prishtinë

Dimër e dritaret e hapura
kohës iu ka nxe gjaku n'dej lumejsh nëndetorë
do të nxehet deti i lotëve e toka e varreve

Flakë Janari patëm derisot po trishtimet ende rrinë
të fshehura te Graça e te Vendi i Plumbtë

Cilës pjesë të Prishtinës i bie rrezja e agut e para

Kodres së Trimave të Zahir Pajazitit Edmond Hoxhës
e Adem Zejnullahut e deri në grillat thikore të Afrim Zhitisë

Kodra e Tre Trimave Rrezja e fjalës së re

Po agon mbi Prishtinëë!

Janar, 17. 2005.
_________________
Dashuria ndaj atdheut është fuqi perendie!

Orfe Sun Nov 02, 2008 3:42 am

KOHA E RE

Koha e re është buzëqeshje,
Si kur e qet dielli syrin në ag;
Thinjat e bardha janë reshje,
Paraohë thinjur pret në prag.

Koha e re është buzëqeshje,
Sa ecje krenare ka vrulli i sajë -
çdo ditë ndrron nga 'i veshje,
E nga gëzimi shpërthen n'vajë!

Shpejt para syve të iken koha,
Mbetesh habitur se kah shkoi -
Si zog i mashtruar në ca troha,
Thuase tinëz përskaj të preftoi!

Gëzimi mbaron sa ndrron moti,
Si një mjegull kur ulet mbi mal -
Fjalët t'i piklojnë buzët pika loti,
Për gabimet pahiri o zot na fal!

Koha e re është buzëqeshje -
Sikur shkrep dielli me rreze n'ag!
Thinjat e bardha janë reshje -
kohë e thinjur të pret në prag!

Orfe Sun Nov 02, 2008 3:43 am

FËËMIJËT E KOHËS

Secila kohë i ka fëmijt e vet
E koha kohës nuk i përngjet!

Thomë ishte kohë e vështirë,
Kur vuajtja brejti deri n'asht -
Doje prore veç të jeshë i lirë,
E kurr të mos mbetesh jasht!

Sa shpejt ndrruan këto mote,
Po nuk e harruam zërin e fisit -
S'zhgohet jeta me prralla kote,
Duke ndjekur veç hijen e lisit!

Koha kohën e shkelë në ballë,
Edhe kapërcen nëpër një tjetër -
T'len vrragë sa të jeshë gjallë!
Vera s'e kujton dimrin e vjetër.

Amë e vështirë për bijtë koha,
Çdo ditë pa ujë në sy të çorton!
Ëndrren e trisht e mbulon coha,
Mos kujto se ajo vetëm të don!

Nuk është si nana që të pajton,
E t'i falë mëkatet si bimë zemre!
Prore pamëshirë koha të gjykon!
T'bën ushul prej koke e thembre!

Para kohës je gjithmonë një fëmij,
Veç cacitesh me 'i shkop në dorë -
Kujtimet e idhta nuk mund t'i fshij:
Sikur mbi një cung kur reshë borë.

Pëngjajmë në kohën që e zhgojmë,
Syri i kohës prore kudo na vështron;
Sa ma shumë që njeritjetrin dojmë,
Buzëqeshja e jetës prore na gëzon!

Secila kohë i ka fëmijët e vet,
E koha kohëës nuk i përngjet!

Orfe Sun Nov 02, 2008 3:44 am

NJERIU NË FORMËN E ZOTIT

Paska të ngjarë njeriu në zot,
edhe zoti po ngjajka nëë njeri!
Pra s'qenka bash gjithçka kot -
njeriun krijoi nëë formëën e Tij!

Gjithçka u dashka t'jetë e mirë,
Duhet që fytyra diell të ndriçojë -
Zemrën ta mbashë prore dëlirë,
Fjala mjaltë të shkrihet në gojë!

Kur njeriu në zot po përngjajka,
ç'deshi djalli qëë prore rrin përbrij?
Po thojka t'zeza e nuk po prajka!
A mundet njeriu pa djallin të rrij?

Njeriun që prore e mundon lakmia,
Nuk matet parabote me hallin e tij;
Atë njeri prore e sundon lukunia -
Pa bërë gjëra t'kqija s'mund të rrijë!

Që ta veçosh ti vetveten nga djalli,
Matu me fuqinë e fjalës që e flet -
Për pritjen me zemër a t'merr malli,
A ka kush që me dashuri të pret?

Fisi të gëzohet kur i del përpara -
Ta njeh duhamen e gjakut në sy;
Besnik i qendrove prore pa lara,
Nuk ka gëzim ma të madh për ty!

Paska të ngjarë njeriu në Zot,
Edhe Zoti s'po ngjajka në njeri;
Pra nuk qenka gjithçka kot -
Njeriun e krijoi në formën e Tij!

Fror, 14. 2005.
_________________

Dashuria ndaj atdheut është fuqi perëndie!

Orfe Sun Nov 02, 2008 3:45 am

BUZQESHJE LIRIE

PRISHTINA

Prini Prishtina
me zëra nga troje të Shqipes

zëra të rij shpëtuar pahiri nëpër kukama shekujsh

zëra të lindur nga gjamët e vuajtjes deri n'Ka të Zi
zëra mjerimi të lindur edhe atje ku dreqi ban vo
atje ku nuk mundi të shkeli lirë as armiku ma i fshtirë

nga shkrepat e Tuzit e kreshtat e Dushkajes
nga shpatet e Podgurit e djerrinat e Drenikës
nga zhvinat e Kaçanikut e kërrshat e Dibres

zëra të lindur nëpër flakë e tym kohërash të nxime

erdhen e prinë në Prishtinë
e nëpër flakë e sollen lirinë

Prishtina zëri i trojeve të Shqipes!
_________________
Dashuria ndaj atdheut është fuqi perendie!

Orfe Sun Nov 02, 2008 3:45 am

BUZËQESHJET E LIRISË

A e paskemi njoftë sa duhet -
hirin e mbetur të eshtrave te moçëm dardan Toplikut shkrum
Luginës së Margës Dardhes Zharres Leskovikut Naises Gurshumit
e Narones, Zentes, Moraçes, Aksit e Thyames -
a frymon ende erë e veres së mjaltit të Kreshtabardhes

a paskemi pasë boll gjak atje ku ashti thithë ashtin
a paskan vdekur shumë nga ata që duhej të jetonin
a po jetojnë nga ata që do të duhej të vdisnin

ku ishit ju që doni sot të merrni aromë të freskët lirie
prekni trupin a ju mungon ndonjë gjymëtyrë a keni coll
një shënjë plumbi a një përrzhitje flakesh në rrebeshe

prekni trupin a ndieni dhimbje ashti a pezmatime mushkërishë
a keni trauma krismash e britmash a ndieni erë vdekje me ashk shpirti
a ndieni në vete jehona heroizmash zemrash flakadane trojesh trime

po britmat në Koshare Pashtrik Malishevë Obrije Qyqavik
po tmerret në Prekaz Qirez Likoshan Qyshk e Raçak -
ku ishe e ç'bëre kur griheshin në havan zanoret e lirisë

pyete veten: a ishe ndonjë krismë e fjalës - Liri
kur duhej e kur trolli trim thrriste gur e gjak përgoje
mate veten se edhe guri e druri prore mbanë mend

mate veten!

Janar, 16. 2005.
_________________
Dashuria ndaj atdheut është fuqi perendie!

Orfe Sun Nov 02, 2008 3:46 am

PO ETESH

fjale mbi fjale
ndertojne ura
mbi shtratin e dimenzionit te ulte
mes dy brigjeve te dyshimit

ndodhë dikush bën ure
mbi gur -
pa pase lume as gurre as rrjedhe uji

ku me dijte -
parasheh ndonjë shperthim eventual uji
pikërisht nën atë ure mbi gur
me siguri diçka do të shperthej
por dhe asgjë

po etesh

Orfe Sun Nov 02, 2008 3:47 am

RA

Ra -

për një lule
të mos te mbetet e paprekur
e ta shkelin iriqet ne rrokullisje

ta shpojne xhembat e hidhur

ra -

për një rreze
të mos bie mbi gjak
e te pergjaket edhe rrezja

po ta shpojne puthjet e embla

ra -

po për kend

ra

dielli

***

Orfe Sun Nov 02, 2008 3:48 am

VARGJE TE VERDHA

Bukuria

nuk shihet me sy

nëpër vargje te verdha
dikush paska qitë leng shtare
për atë edhe duken

te verdha

***

Orfe Sun Nov 02, 2008 3:48 am

SKINIA

kah doli -
askush nuk e din mirë
ushujzë ne brraka

paska thithë ne gjak krijues

pas nëntë bjeshkeve
e dy kodrave

koder pas bregu

as erë as veri -
as lindje as prarim

kcen -
ne te katra

kah doli -
askush nuk e din mirë

veç thonë -
doli me një draper
flakrua
ne hënë te re

ku korri -
nuk mbiu

ku mbiu
u rrit pahiri
nëpër lot prush
nëpër epika hi

hutina

me sy ne gardh
flakron -
ne hënë te vjetër

kurr më -
ne hënë te vet!
_________________
Dashuria ndaj atdheut është fuqi perendie!

Orfe Sun Nov 02, 2008 3:49 am

SHENIM PER KOSOVEN E VITIT 2005

DUKET SIKUR ENDE PERZIHEN FJALET -
PAQA E PAQJA NE KOSOVE

Ne kuzinat e Kosoves
ende hahet paqja si çorbë mishi
blok -
e tjerët te ngopurit flasin për paqen e rendin e ri
hane supe dhjami si filldreke
duke ua rrudhur syrin hipokrit bjeshkeve
për 'i xhep bollushtrash

as sot ne Kosovë ende nuk mund t'i dallojne mirë
dy fjalët: paqa e paqja
bile as ne fjaloret shkencorë -
se ata qe hengren paqje mengjeseve
hangren plumba për paqen ballkanike
ka edhe tjerë qe vyen u derguan ne gjyqin modern te Hages
perdit mungohet edhe nagnje rreze drite:
viktimat me gjaksore ne te njëjtin nën ligji
qe ende e dirigjojne pikërisht ata -
qe kryen krime e masakra civile te pafajshme
mu ne trojet e tyre autotoktone -

gjykohen ata qe vrane disa armiq e tradhetore
për lirine e Kosoves -
e jetojne ende ne Paqë ata qe masakruan
mbi dhjetemije viktima te pafajshme civile
pikërisht ne fundshekullin 20.

rinovohen tempujt e huaj me dhunë e
rivarrosen eshtrat tonë te pafajshem e te zhdukurit si
gjë krejtsisht e harruar nga ndërgjegja e botës!

Jasht fjalës Standard!

T'i shilojne fe e atdhe!

Ne Paqe i dergojne heronjte ne grilla
dhe i lane kikiruket te flasin e shkruajnë
për heronjte e luftën çlirimtare, ku edhe e quajne si faj
për fatin e Kosoves -
qe ende është një cope mishi e gjaku toke te Të Parve
- shkeputur me gjak nga goja e kuçedres
nga kthetrat barbare masakruese me shekuj e derisot -
ku copat tjera te trupit shqiptar valviten ne laboratore
gjoja moderne, e qe kuptohen edhe nga loja e femijve
e loja e mijve

a po hahet Paqa a paqja mengjeseve ne Kosovë

ata me varre plumbash hane ende mengjeseve paqje -
çorbëmishi -
tjerët qe vuan bishtin nën këmbë ne kohe zjarri
u shihet dhjami ne tru plagiati e -
edhe as sot nuk guxojnë ta thonë te vërtetën as ne Paqë
po tregojnë ''trimëri paslufte, e urti pas kuvendi''
ende pikepesë

thiohet ne Kosovë jetojne ne Paqë!

Po vlon, a po piqet liria!?
_________________
Dashuria ndaj atdheut është fuqi perendie!

Orfe Sun Nov 02, 2008 3:50 am

KREJT NATYRSHEM EDHE SOT

Dy fjale ma kanë grryer shpirtin gjithjeten.
Dy fjale ma kanë nxe gjakun gjithjeten.
Dy fjale qe ende nuk mund t'i shoh bashk.
Dy fjale te ndara -
njera ne njerin qosh te gjakut,
e tjetra në fund te gjakut.
Dy fjale qe notojne ne gjak.
Dy fjale qe thrrasin prore njeratjetren.
Dy fjale qe i nxene një diell.
Dy fjale qe i perben një Toke.
Dy fjale qe i perben një gjak.
Dy fjale qe presin bashkim.
Dy fjale te ndara dymije jetera.
Dy fjale, qe zanoret e tyre, tingllojne vajshem, sikur
peshperisin diçka te thelle me krramze brejtese, sa tingellojne nga funddeti
sa tingllojne nga majemali, as nuk shihen mesveti,
as nuk çmallen mesveti, as nuk dorzohen persegjallit,
as nuk po bashkohen persegjallit,
as nuk pushojne nga klithmat,
as nuk i shemben vetetimat,
as vdesin persegjalli,
as ngjallen persevdekurit
Dy fjale qe thrrasin cdodite,
Dy fjale qe endrroj çdo nate, prej atij momenti qe pava
harten etnike
Dy fjale do të ma marrin shpirtin
Dy fjale do të ma falin jetën e re

Dy fjalë rënkojnë në breza
Dy fjale - Tivari e Preveza!

Prill, 2005.

Orfe Sun Nov 02, 2008 3:51 am

Nezir Myrta / SHQIPËRIA E BASHKUAR

E bukur është Kosova
E Bukur është Shqipëria

Siç është E Dashur Nana!

Më çon peshë shtat'palë Qiell
Më shtie në Dhe shtat'palë Tokë!

Edhe deri atje ku bre miza hekur
Edhe deri atje ku bre hekuri gjakun tonë!

Shqipëria e Zhbime - Rrafsh me Tokë
Shqipëria e Mbime - Rrafsh me Qiell!

Shqipëria me Botë në Sy -

si Farë në tokat Mere nëpër mahalla të botës
e bota me Shqipër në zemër

Shqipëria gjithmonë e pushtuar
Shqipëria - kurrë e nënshtruar!

Shqipëria e Bashkuar!

2.

Ushtima -
Me shënjen Viktoria
deri Te Molla e Kuqe
Filloi -

E Para
Në Europën e Lindjes së Madhe
U lind në Prishtinë
E në thellësitë e Tokës së Kosovës
E rreh tupani i Dardanisë!

Dardania kumbonare bashkimi
E mbahet krisma - e mbahet fjala - Shqipëri!

Me njeren dorë kafshaten e bukës
E, jemi gati -
Me tjetrën kambëzën e pushkës!
Me gojë - bukë e plumba
Me sy shkreptima rrufee shqiponjash
Me hap drejtë shoqishoit në sy
Derisa të bëhet njera Dyshë -

- O Varre o Djepa!

Derisa varret me shokë shqiptare të linden në Djepa
Derisa Djepat me Dhëmb Ujku në Kaptyll
Të përkunden në varre!

Me gjak e varrë lidhet Balli i Republikës!

Republika nuk lindet vetiu si dielli
As nuk bie vetiu si shiu -

Republikën e bashkojnë fije-fije
Burrat -
E lidhin Nyje rreshtash e rrashtash !

- Ku janë Burrat?
- Ku janë Varret?

Duri gurin nuk e sheh
Burri burrin nuk po njeh!

Kosova - prore e kositur
Kosova - kurrë e nënshtruar!

Shqipëria e Bashkuar!

(Janar, 1992) nga vëllimi poetik POEMA PËR POPULLIN

Kjo poezi u emitua përmes RTV shqiptar më 1992, recitoi aktori i mirënjohur Kastriot Çaushi.[/i][/b][/color]

Orfe Mon Nov 03, 2008 7:38 pm

Nezir Myrta / UNIVERSI VERSI IM

U takuam në univers
aq mallshëm aq me ashk zjarri
u ngjitëm shpirtmëshpirt diellor
e shpërtheu versi im vargu im i zjarrtë
mu te Andromeda ku shpërtheu ashku
në mijëra botëra të reja
tinguj stërpikla yjore të reja
v-ja
viktoria

Fitorja

versi im vargu im
Univers!

Puthemi -
si në gara marathonike
mu sikur në lojërat antike të vdekjes
mesazh real në rrafshin e pafund olympik
puthje të djerësitura ashk bulëzimi universal
atypëraty bulëzon rritesh pjekësh e jep frytin
atypëraty -
Ti më puthe derisa nuk vdiqe
nga shpërthimet yjore të yjeve të rinj
stërpikla universi
krijuam 1001 botëra të reja

a jemi vërtet në një Univers
më duket kaq i vogël?!

Desh krijuam univers të ri!

(E Hënë, 3 Nëntor, 08. ora 5:30 pasdite)

Orfe Tue Nov 11, 2008 9:51 pm

Nezir Myrta / SHQIPTARI I RI

- Poetëve të rinj

Po lindet shqiptari i ri
tok -
me Nëntorin E Tretë -
aty ku kishte lisa të mëdhënj stuhishë illirian antik
me rrënjet e lashta trungu egjean jonian e adriatik
e trekontinental -
linden vishkuj të rinj shqip thikpërpjetë fjalës së bukur
nëpër shkronja të reja
bulëzojnë bulevarde të fjalës artistike
vishkuj të rinj patjetër u ngjajmë lisave të lashtë qiellor
se rrënjet e tyre i kemi në shpirtin flakada
fjalës së re ndritë feneri i kohës sonë
e kushtrimi zgjon lindjet e reja illire
vesa ushtare e plumt agimeve yllëzon mbi gjethe tingujsh të rinj
sofra plot bujari shqiptare - bukë kosove pjekur rrezesh
me sy tejbjeshkëve symësy me kohën symize
eva harroi mollën në degën e fjalës së atit
vrapon kopshtit edean plot tinguj mbushur frymë
gas e lot me një tufë bulëzash fjale në dorë
biligoa i pëshpëritë vllait skendërbean
mos të ndodhi kurr më tradhtia mes shpatash
gatitë tinguj të rinj dashurie zjarri me fletëza trëndafilësh
gota tingujsh plot nektar shpirti
anila pishë e kallur ndez pishtar mbi varre dëshmorësh të rinj
plot vrushkuj të zgjuar dashurie
veneta m'i kujton venetët e lashtë me shtiza trojane
e deradiane që sylot shpojnë mallin e Të Bukures Moree
shqiponja e re flatron lartësive të tingujve dardhan
duke i thyer lartësitë në rithme të rinj shkronjash
shqiptari i ri po lindet
në Nëntorin e Madh

Nëntori i Tretë po vie!

( 11.11.08 )

Orfe Tue Nov 18, 2008 11:02 pm

[b] Nezir Myrta / AMANETI I KOHËS SONË
- Në Ditën e Flamurit!

Ismail Qemal Vlora -
Mjekrrën bardh si bora!
Kah Kosova o Isa Ora
Në Dy Krahsh qëndron!

Me ziosha zjarr ka Shkodra
Kah Shkupi sytë në kodra -
E deri n'Epir kafshon kobra!
Shqipja me Dy Gojë gjëmon!

Theranda jep Kushtrim Zjarr!
Abdyl Frashëri i flet në varr!
Koka e Alit tha: Epirin e marr!
E te Topliku, Narona e Tivari!

Nga Shpata Madhe Padrejtësi,
Mbeti veç - Një Copë Shqipëri!
Ende mbet i ngrimë emri - Illiri!
Kudo në tradhtina ra shqiptari!

Boll morëm mësim Skendërbeu,
Kokën tmerrit - shpatë ia preu!
N'pranga ma s'durohet Atdheu!
Do të na Ndihmoj - Perëndia!

Nuk vdiset gjithmonë të shkretë!
Nëpër Tokë, për Air e nëpër Det!
Amaneti i T'Parëve do të na vret!
Po s'u bë shpejt Një - Shqipëria!

O Ismail Qemal Vlora!
Mjekrrën bardh si bora!
Kah Kosova o Isa Ora!
Në Dy Krahsh qëndron!

Aargau, 28 Nandor, 1993.

Orfe Wed Nov 19, 2008 5:40 am

[b]Nezir Myrta / BALADA PER SHTAZET SHTEPIAKE

SATIRA

PROLOG

shpezet
e
shtazet shtepiake

na duhen
e
nuk ben pa to

zor me to
e zor pa to

e,
kur pula e ben vezen ne kojshi
moskovite
venia kryet ne cung
nen teh
edhe kur kendon si kenduesi

kur te han qeni yt
zor ke sherim

kafsha pavaresisht kafshon

polikafshet
politizoonet
mbahen vetem me anca ne sy

bijne ne llagam
me pa anash

qeni i keq -
ta bjen ujkun ne torishte

macia e zeze
me ta trupua udhen
thone -
nuk te prihet mbare
kputja bishtin
me teh zane

kudra -
kur mesohet me lehe shume
nuk mund ta dalloj mire
eren e mishit nga era e drunit
llapakudra

si kudra e Jeseninit

apologjia e gomarit
me dy tre numra fijesh bari
kujton dialektiten e natyres

gjelave te mesnates
nuk u besohet per agun
poligjelave

shtazet e shpezet
ne natyre nuk rrine bashk
e ne nje shtepi po
kur zbuten -

edhe me gene te ndryshme.

GJELAT E MESNATES

Lajmtaret e drites
thrrasin gjithmone me kohe
e din -
se po vjen drita e agut

nuk kendojne ne mesnate
kcejne tra e m'tra te dalldisur
pse shohin nje vetetime ne qiell
thrrasin te zgjohesh

gjelat e mesnates
jane mashtrim -

sa lajmerohet drita neper terr
sa lajmerohet terri neper drite

ne zgjime te vona s'ka ardhmeri

te zgjohesh -
pernjehere me driten
qe shpirti te bej drite

punet e territ jane pa sy

kur zgjatet dita -
sa kcen gjeli tra e m'tra
zgjohu pernjehere me driten
e bjere pernjehere me terrin

e,
gjelat e mesnates
kecejne tra e m'tra
pse e shohin jje vetetime ne qiell
e ki-ki-ri-ki-kuuu

gjelave te mesnates nuk u besohet.

MYTHI MBI KAUN

moto e tij moti

mbame si vllane e
mundom si shkane

Kau i Zi
myth i botes
mbi bririn e tij
e,
deri ne Ka te Zi

sharroi dashuria

Europa u mashtrua
ne Bririn e tij te arte
prej Zeusi

piken kokrrat
nga pema e dashurise
nen preher
kur e çoi pshtjellakun e bardhe
me sy ne bririn e arte

seizmografet shenojne
Dridhje te Reja Te Tokes

u linden disa breza
e vdiqen me moton
se -
bota qendron ngulur
mbi Bririn e Kaut te Zi

e lufton bezin e kuq

deri ne Ka te Zi
sharroi dashuria

pa mbaruar lavrat
mos cof he qen -

moto e lashte

ANALOGJIA E QENIT

kafshe besnike

edhe pjestar i thjeshte i familjes
hyri thelle ne intimitetin e njeriut
ne kohet tona moderne

moti eshte nderruar mashkulli
me nje qen -
sot me ndryshe ne kohe moderne

ishte roje e oborrit e shtepise
sot eshte edhe roje e shtratit

qeni ka hy ne intimitetin e njeriut
sot han konzerva Cezar e Bethoven
e,
filharmonia abstenon ne dridhje nofullash

rrene e ben lajka
mundohet edhe te flase si njeri
ham-ham
kryen urdhera porosi
kur i heton me hunde
se,
kulmin e veprimit e ka hunden

qeni ka nuhatje heterotipe
aty eshte kulmi i genit te tij
po ç'prej se han konzerva Cezar e Bethoven
nuhatjet e tia mbeten te konzervuara

ne civilizim
mbrohen ligjerisht te drejtat e tij
me shume se te drejtat e njeriut
ne Boten e Trete

qenit edhe i lene testamente

edhe e dijne te gjithe
se ai eshte qen

qen qe qane

per nje plotesim
te zanores ne fjale

Orfe Wed Nov 19, 2008 5:45 am

Nezir Myrta / ...dhe satira vijo -

2.

qenit i njihet lehja
edhe kur eshte lehje e bute e pervuajtur
duet vertet sikur po flet

rrefejne syte e hamhameve sterile
i shihen zanoret ne çdo lehje
te ofrohet rreth pantolloneve te merr ere
t'i ruan syte -
e behet sikur po luan me bisht
te ledhaton ta qet kemben mbi kepuce
luan me dhemb ne itine e pantolloneve
gjoja si me te kafshua
e,
kur te sheh se e shikon seri ne buzeqeshje
luan me dhemb e me gishta te kembeve te para
mbi kepucet

tu merr ere kepuceve
dhe endrron qullin e tij te perditshem

ia nderrojne emrin
pa nenshkrime zyrtare pa deshmitare
e vet i zyrtarizon emrat e tij
nenshkruan me thonjet e kembeve te para
vetiu

sepse -
te gjithe e dine se eshte qen

nuk han me eshtra te hudhur per dritare
as nuk rrin lidhur ne zinxhire
mjafton nje litar i holle e siell kah te duash

lemohet perdhelet nga çdokush
ndegjon ne bese -
çdo dekret e sekret legal e ilegal
sikur i kupton ne gjuhen e tij ham-ham

e,
posa te ia besh njehere - qyp
shtien bishtin nenkembe e iken

e,
kur nuk flet me te
i zihet lehja ne fyt

Orfe Wed Nov 19, 2008 5:50 am

Nezir Myrta - ...e perseri vijon satira

3.

ALERGJIA E QENIT

kur e hane pleshtat
kruhet per gardhi edhe per dere te shtepise
pleshta qeni e pleshta kudre vertikale

dashuria - kuder vertikale

duçat e qimeve te tyre nuk shihen me
rrugeve
gjurmat i lene neper pllaka te banjos
ne kolltuk ne shtrat gjurme e qime
i krehin i lemojne dhe secilen dite ua mesojne
nganje fjale te re - fjale kudre
i bejne
rrush

kohe rrushqeni

alergjon
kur ia gjuajne drurin ne vend ashti
eshte mesuar t'i kruaj dhembet me asht
e,
koha e ben syrin e qenit

kohe qeni

alergjon kur sheh fije flokesh mashkullore
ne shtrat
derdh lot e kthise mbi lulet e bezta te çarçafit
rrushqeni

dashuri ne kohe qeni

udheton me makine me bus me tren avion
avitet tek njerezit ua jep kemben e pare
ne shenje pershendetjeje
mjafton vetem te ia leshosh syte
apo vetem te ia prekesh mendimin pahiri
avitet e zavitet kur nuk e sheh shoqen e vet
lepine e luan edhe me kafka

sikur te dinte -
te fliste kafsha besnike
mesiguri do te dilte ne bangen e akuzuesve
per mundimet tej mundesive te tij
stuhi truri

lemohet ne kolltuk perandori
po nuk ka mundesi te ia zbusi
ndjenjat agresive eventuale
te lufterave te padrejta
mbi token e shqipeve

edhe koha e ka bere syrin e qenit!

Kohe qeni...

Sponsored content

NEZIR MYRTA - BUZËQESHJET E LIRISË

NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË

Re: NEZIR MYRTA - BUZËQESHJET E LIRISË