Agim METBALA - poezi

Biografia e Agim Metbalës,
Jam i lindur 1953 në Rahovec - Kosovë, kam të kryer fakultetin juridik në Universitetin e Kosovës dhe tani punoj si gjykatës në Gjykatën komunale në Rahovec.
Pos punës profesionale, mirrem, me shkrime të zhanreve më të ndryshme, që nga bankat e shkollës fillore dhe sot në kët moshë që jam, kam shtuar aktivitetin tim artistik.
Ushtroj detyrën e kryeredaktorit e njëherit edhe botues i revistës letrare për fëmijë "Filizat", e cila botohet në kuadrë të Shoqatës së enigmatëve "LABIRINTI" në Rahovec, që nga viti 1986, kryeredaktor dhe botues e dy revistave enigmatiko-zbavitëse, me po të njëjtin emër, (njëra me 55 faqe e tjetra 100 faqe, mujore), kryeredaktor dhe botues i revistës letrare për të rritur, "JERHONË ANADRINIE", në formë libri si dhe baskëpunëtor i shumë revistave, sajoj fjalëkryqa dhe shtojcën javore për gazetën ditore "INFOPRES".
Gjer më tani, kam botuar këto vepra:
- Koautor i përmbledhjes me vjersha e tregime "Si duket babai im",
- Përmbledhje me rrëfenjëza për fëmijë, "Deti në shtëpi",
- Përmbledhje me vjersha , tregime dhe drama njëaktëshe për fëmijë, Grindja e fjalëve", si dhe
- Përmbledhje poetike "Kohë qieinjsh".

Sa për fillim, shkoqisi disa poezi nga përmbledhja "Kohë qirinjsh".

FENIKSI KOSOVAR

Këtu si duke edhe dialektika
Është dehur deri në delirium
Dhe përdit në këtë kaos urban
Lindin pikpyetjet
Në këtë kaos urban të shfrenuar
Vështirë se do të vetëpërmbahet
Rolet janë ndërruar në mote -
Timonët i kanë në duar idiotët
Të paktë janë ata të tjerët
E Kosova zë në thua me shekuj...

Si duket këtu po perëndon
Apo po lind diç e re
Diçka si Feniks i ri kosovar
Kam frikë, kam frikë...
(këlyshët e parë hidhen në lunë)...

MOS I MBYLLNI SHTIGJET

Mos e mbyllni, hapeni shtegun
Do të shihni sa shtegëtarë ka
Që do të krijojnë shtigjet e reja
Për t'i lënë n'harresë labirintet e trishtimit...

Mos e mbyllni, hapeni portëm
Do të hapen pastaj të gjitha dyert
Frikën do ta djeg guximi
Guximi do t'i mbushë sheshet me gëzime
Frikën ia lëmë peng historisë...

Mos e mbyllni, hapeni portën
Pastaj do të hapen të gjitha zemrat
Zmra ka shumë sirtarë
Dhe në ballë të fëmijërisë
Do të ngjizet ardhmëria...

Agim METBALA

PA THONJË

Shumica nëpër mote
Pjesën e madhe të thonjëve
I hanë për hiçgjë
Duke u ngjitur për luspat e kuçedrës
Pjesën e mbetur i hëngrën
Duke u grithur mes vete
Çmendurisht...

Dhe tash kur thonjt u duhen
Për ta mbrojtur veMbetën pa ta...

KOMEDI

Fjalën nuk e frenova
Nëpër motet plot rrebeshe
Dhe tërmete të fuqishme
Kur vërshonte llava nga vullkanet
Dhe thembrat preknin majën e kresë
Sot më thonë do Sanço Pança
Ta lë fjalën përgjysmë
Komedi stereotipe
E një moti pa vlerë...


VETËDIJËSIMI

Edhe sot veshi
Përgjon dritareve
Për t'ia dërguar lajmin djallit...

Edhe sot syri
Përbirohet portave e kapexhikëve
Për t'ia dërguar djallit
Kuptimin e shpirtit...

Nga po i njëjti sy
Nga po i njëjti vesh...

Ja do ta tundim kokën
Me gishtin tregues
Ose kafkat do t'na rreziten në lëndinë...

14.04.2004

shkruan: xheladin hamza

DRITË E PALODHSHME
(kushtuar miqëve të mi Agim Metbalës dhe Qamil Bugarit)

Në errësirën e qytetit tim
Dritë të palodhshme
Çdo mbrëmje bëjnë dy qirinj
Agim Metbala e Qamil Bugari

Nga një gotë të mbushur
Me ujë të pastër e të bekuar
Ndritin kopshtin e Edenit
Nga mbrëmja gjerë në agim

Aty pranë shoqëri u bënë
Një bletë bukuroshe
Fluturon prej një lule në tjetër
Nektarin me kënaqësi mbledhë
Bilbilave ushqim amanet ua le

Karshi kopshtit të Edenit
Ku djajtë trurin shpërlajnë
Ndihet zhurma e xhehenemit
Edhe guri është mbushur në vaj

I vdekuri në varr rrokulliset
Britmën e të cilit nuk e ndiejnë
Se shpirt nuk kanë, eh

Dhe kështu çdo natë
Qyteti im ri i mbështjellur
Në vellon e errësirës së dendur
Pandërprerë jetojnë dy botëra

E Edenit dhe e xhehenemit!

Agim METBALA
KARRIGA

Nën karrige si duket
Fshihet formula Abra-kadabra
Për të mos e lëshuar atë
Shkelën plisin e bardhë
Kohën tjetër diferenconin të vëllanë
Kohën tjetër vranë demonstrues
Kohën tjetër në pusi pritën drangonjtë tanë...

Edhe sot janë të pregatitur
Të ecin me cilëndo të keqe
Vetëm për të mos e lëshuar karrigen
Karrigen për të mos e lëshuar o Zot

......................................................

Harrojnë se për në banesën e fundit
Do të përcillen si hajdutë...

15.04.2004


MARSIN DUA TA SHOH NË BEHARE

Sa herë vjen marsi
I trembem rrëmujës
Dhe prangave...

Si e gjithë bota
Dua ta shoh dushkun të çelur
Vetëm në gjelbërim
Ta pushoj syrin e etur për bukuri
Marsin ta shoh në behare
Ta pushoj shpirtin e mekur ndër stuhitë
T'i kthej
Pranverat që m'i kanë vjedhur...

16.04.2004

Agim METBALA

ME GISHTIN TREGUES
DUHET NXJERRË PAPËRDHOKUN

Janë rreshtuar në maratonë
Në një shteg thuase të gjithë
Absurd i lakuriquar
Merr e vjedh, vjedh e merr
Refren si në diskun e prishur
Merr e vjedh, vjedh e merr...
Të tjerët janë të paktë
Hutimi u rri në ball pikëpyetje
Frika i ka lëshuar zogjtë
Rrugët në ecje çdokund
I kanë të mbyllur si shishe me tapë...

Duarkryq nuk pritet vdekja e së keqes
Me gishtin tregues duhet
Nxjerrë papërllokun e përjetësisht...

09.01.2004