Demokracia dhe Shteti i se drejtes

Shqipëria ka ende një demokraci të re dhe të pastabilizuar. Progrese relative në lidhje me
stabilitetin politik dhe dialogun ndërmjet forcave politike janë bërë, por kjo është ende një
arritje e brishtë që mund të shuhet shpejt. Zhvillimi i vazhdueshëm dhe konsolidimi i kulturës
demokratike konsensuale janë të domosdoshëm. Kjo do të ndihmojë vendin të përballojë
sfidat e refomave që duhen të ndërmerren. Shqipëria ka hedhur hapa lidhur me zbatimin e
rekomandimeve të formuluara nga Organizata për Sigurinë dhe Bashkëpunimin në Europë
(OSCE)/ Zyra për Institucionet Demokratike dhe të drejtat e njeriut (ODHIR) . Procesi duhet të kompletohet tani me qëllim që të sigurojë përputhjen e plotë me
standartet ndërkombëtare. Janë shënuar disa progrese në administratën publike por fatkeqësisht ato janë penguar nga disa
raste të emërimit politik dhe nepotizmi në disa fusha kyçe. Shoqëria civile vazhdon të jetë e
dobët dhe përpjekjet e Qeverisë për ta mbështetur atë janë të pamjaftueshme.
Respektimi dhe zbatimi i Shtetit të së drejtës në Shqipëri mbetet i dobët. Institucionet
shqiptare të zbatimit të ligjit nuk garantojnë një zbatim të qëndrueshëm të ligjit në përputhje
me standartet ndërkombëtare. Korrupsioni i përhapur dhe krimi i organizuar vfazhdojnë të jenë
tepër kërcënues për stabilitetin dhe progresin e vendit. Sistemi gjyqësor vazhdon të vuajë nga
mangësi serioze që e pengojnë atë në garantimin e zbatimit të shtetit të së drejtës. Shqipërisë i
ka munguar ambicia në adresimin e përkrahjes të të drejtave të njeriut dhe të drejtave të
minoriteteve.
A mendoni se Shqiperia do gezoje demokracine dhe te drejten ashtu sic i ka hije shqiptarit??