NËSE PYETNI

NËSE MË PYETNI

Nëse m’ pyetni – ku punoj?

Pa përgjigje nuk ju la !

Por, as vet nuk e kuptoj –

Për mua punë askund nuk ka ?!

Refren:

As i gjallë, as i vdekur,

As i zgjuar, as i fjetur !

N’ luftë me jetë duke u përpjekur,

Zemërgurë dhe i paepur !

Nëse m’ pyetni - ku jetoj?

Do t’ ua jap përgjigjen hak !

Jeta ime më kaloj -

Gjithmonë n’ burgun shtëpiak !

Nëse pyetni - ku i kam shokët?

Ju përgjigjem pa ves – vese !

Të gjithë shokët në këtë botë

M’ paskan dashtë për interese !

Nëse pyetni - ku i kam fëmijët?

Do t’ përgjigjem me siklet !

Me shumë halle e mundime,

Fëmijët i rrita për kurbet !

Nëse pyetni - ku i kam nxënësit

Që m’ kanë dashtë si prind të dytë?

M’ ndau prej tyre mbesa e mishngrënësit ,

Për gjithmonë mi verbëroi sytë !

Nëse pyetni - ku e kam ditarin

Që e kam pas si shenjtëri ?

Pse s’punova për tradhtarin –

Ma rrëmbyen me dinakëri !

Nëse pyetni - ku e lash këngën

Që për mua ishte jeta?

Korbazitë në fyt ma ndalen

Se kjo ishte e vërteta !

Gjilan, më 20.12.2009. Demir KRASNIQI