ESSE

Ese për librin më të ri të Dr. Avni Preshevës

Gjuha dhe Metagjuha

( Ne s´mund të ecim më shpejt se ç´do koha, gjuha është gjaku ynë gjuhësorë, pa të cilin gjak të jetës as arti, as shkenca, as filozofia nuk do të egzistonin.Mirëpo, ne duhet të ecim me kohën për aq sa është e mundur )

Libri më i ri i Dr. Avni Preshevës “Gjuha dhe Metagjuha”trajton në mynyrë analitike mardhëniet e Gjuhës natyrore me atë të Metagjuhës. Njeriu ynë i sotëm shkruan Dr.Avni Presheva është plot ngjarje, plot sfida, plot rrëfime. I ndodhur në këto rrethana, ai do të flas, do të meditoj, do të hyjë brenda jetës së tij. Gjuha dhe gjaku i saj gjuhësorë, shkruan Dr. Presheva, janë në pemën e gjuhës, në degët e saj, në brendinë filozoke të arteve dhe shkencave. Libri “Gjuha dhe Metagjuha”shtjellojnë në mynyrë të shkëlqyer mendimin përparimtar për gjuhën. Aktualisht interesimi i filozofëve, shkrimtarëve, dhe shkencëtarëve për gjuhën është preokupim i përditshëm , i përvitshëm dhe i përhershëm. Libri “Gjuha dhe Metagjuha” është një libër i guximshëm e me vlera të mëdha për studius të sotëm e të ardhshëm. Me këtë libër lexuesit shqiptar i afroren të dhënat më të reja shkencore për gjuhën. Libri “Gjuha dhe Metagjuha”është i ndërtuar prej tetë njësive studimore filozofike. Në këtë libër, autori me përkushtim prej krijuesi shpalon botën bardh e zi dhe me ngjyra të gjuhës. Eseja rreth “Gjuhës së Algjebrës”të profesor Fregit shpalon problemet dhe mardhëniet më intime mes gjuhës normale dhe metagjuhës. Jo rrallë thotë Dr. Avni Presheva numri është ide, sasi, kuptim. Rruga e konsolidimit dhe formimit të gjuhës ka moshën sa vet njeriu. Fisi Maja në Amerikë kishte një aritmetikë të numrave para egjiptianëve. Njerëzit e fisit Maja kanë

përdorur vetëm dy shenja; pikën që ka paraqitur numrin një, dhe vizën që është lexuar si numri pesë. Prandaj, në të gjitha rastet shprehet Dr Avni Presheva gjuha është pasqyrë e mendimit. Andaj, thërritjet e Dr Avni Preshevës për një angazhim më të madh, dhe për një diskutim publik në këtë temë janë thirrje prej krijuesi të mirëfilltë. Asnjë ditë nuk gëdhinë e njëjtë.Trualli i mendimit kritik për gjuhën dhe metagjuhën shkruan Dr.Avni Presheva duhet të

eksplorohet nga studius të zot e me përgatitje të duhura. Studimet gjuhësore për gjuhën thotë profesori Presheva, janë të nevojshme dhe të domosdoshme. Ai fton ndërgjegjen e krijuesve tanë, shkrimtarë, filozof, poetë që të bëjnë detyrën e tyre për gjuhën dhe rreth ghuhës. Libri i Dr Avni Preshevës “Gjuha dhe Metaguha”për lexuesin shqiptar parqet një ngjarjet vërtet kulturore në konsolidimin e mendimit filozofik për gjuhën. Dr. Avni Presheva deri më tash ka shkruar librin “Prej gjuhës në Gjuhë” dhe “Gjuha dhe Metagjuha”dy libra që i bëjnë nderë gjuhës dhe filozofisë së gjuhës. Po e mbylli këtë ese për “Gjuhën dhe Metagjuhën” me një mendim të Emersonit;gjuha është një qytet, në cilin çdo njeri që ka jetuar në këtë botë e ka vënë gurin e vet. Urime autorit Presheva për këtë libër me vlerë dhe shëndet!

Rrustem Geci - Dortmund