BASHKIMI

Laureshë gazmore, në Skard çurliko
ngazllo zanat, shtojzovallet, na i zgjo -
Zhdremit Omzen e të omles bletë -
Flutro n'kupë qielli me i mjelun retë!
O Prite n'kreshta agun dritshkreptima!
Mbushi do kupa me vesë plot vizllima!
Kupat mbushi, epja Të Pavdekshmes,
Asaj qerpikgates, Thanes Përëndeshes!
Ajo ta bekojë tanë rrushin në Dardharë
E të tanë të dehemi me vënë si nektar!
O harpa harkëngrehuna le të ushtojë,
Ato trimnitë e Dardhanve t'i këndojë!
- Thirri Eres Nanës së Stuhisë -
Thirri Dillit - Babës së Zjarrmisë!
T'vijnë pirustët me cjep e me drënë!
Të këndojnë dhe të dehen me vënë!
Le t'vijnë Paijonet shtat harklakumë,
T'vijnë Drillasit për valle t'përvlumë -
o ata burraaa me siguna t'mprehta
që për Liri hiç nuk iu dhimbet jeta!
T'vijnë Bardhanët e Marges shkumzume
Ata të përëndeshes - Thanes bekume!
N'Kreshtabardhë ku zihet mjaltë shumë,
Ku bahet vëna prej rrushit si shkumë -
Në Ulpianë ku fryhet buka e bardhë,
Edhe piqen rrunxa e ogiç leshvarë -
Atje të vijnë Mollosët kordhëtarë -
T'bijt e Pirruas mbretit zulmemadh;
Të vijnë Kaonët me çomanga t'randa,
Bylysarët që kurr s'durojnë pranga !
T'vijnë Thesprotët me pemë bojdilli,
Ata Thaullantët me shkreptima qilli!
Të vijnë Ardianët e Theutes nanë,
Dasaretët e të hyjnushmes Thanë!
O krejt illirët kahdo e kah janë -
Të vijnë të tubohen në Ulpianë!
M'Besë illirësh sot t'lidhet trimnia
Nga Thesproti - deri te Delmatia!

Odisé
__________________
FOL E SHKRUAJ BUKUR SHQIP !