Në dhjetë vjetorin e vrasjes së Prof.Ruzhdi Berishës

Në dhjetë vjetorin e vrasjes së Prof.Ruzhdi Berishës

 

Në çfarë rrethanash u masakrua 

prof. Ruzhdi Berisha?

 

Shkruan: Sheradin Berisha - 08. 04. 2009

________________________

 

Kush është Prof. Ruzhdi Berisha

 

  Prof.Ruzhdi Berisha ka lindur më 1952 në fshatin Buçe - komuna e Sharrit. Me fillimin e luftës çlirimtare në Kosovë, Ruzhdiu ndonëse ishte anëtar i Kryesisë së LDK-së në Sharr ( ish-Dragash ) aktivisht mori pjesë në shtrirjen dhe organizimin e UÇK-së në këto anë. Për këtë qëllim Prof.Ruzhdi Berisha ( pa e ditur “shokët” e tij në LDK ) disa herë do të udhëtojë për në Shqipëri për të vënë kontakte bashkëpunimi me disa nga drejtuesit UÇK-së.

 Prof. Ruzhdi Berisha


 

  Për të mësuar më gjerësisht lidhur me aktivitetin e Ruzhdiut dhe lojërat qëllimkëqija të luajtura në adresë të Ruzhdi Berishës, nga dy zyrtarë të LDK-së në Sharr, Halim Shemsidini Kryetar i LDK-së (ish-kryetar i komunës së Sharrit) dhe Shaban Halimi sekretar i LDK-së (ish-deputet i kësaj partie në Parlamentin e Kosovës) - dhe për të mësuar se çfarë kanë bërë në të kaluarën z.Shemsidini, z.Halimi etj., dhe gjithë odisejadën e prof.Ruzhdiur deri te vrasja e masakrimi, lexoni shkrimet e Sheradin Berishës dhe Bedri Halimit: “Vazhdimësia e pushtetit serb në komunën e Sharrit” & Ruzhdi Berisha: Një jetë për dije dhe liri + Vërtet kush e la vetëm Ruzhdi Berishën në Opojë?! .

Si u mashtrua Prof.Ruzhdiu nga shkokët e partisë?!

 

  Dihet mirëfilli se pas fillimit të bombardimeve të NATO-s kundër forcave serbe në Kosovë ( 24 mars 1999… ), Serbia intensifikoi fushatën e shpërnguljes së shqiptarëve nga trojet e veta dhe në këto zhvillime edhe popullata shqiptare në Opojë do të detyrohet të largohet nga vatrat e tyre. Kjo ngjarje ndodhi më 31 mars 1999 kur policia serbe jep urdhër që brenda dy orësh popullata shqiptare e Opojës t´i braktisin shtëpitë e tyre dhe të shpërngulen për në Shqipëri. Vetëm dy ditë më herët ( më 29 mars ) Kryesia e degës së LDK-së për Sharr ( ish-Dragash ), në një mbledhje të mbajtur në shtëpi të Shaban Halimit në Buzez, merrë vendim, që “nëse vjen deri te shpërngulja e popullatës nga Opoja ne si kryesi e LDK-së asesi nuk duhet të shpërngulemi por duhet të qëndrojmë këtu”.

 

  Prof.Ruzhdi Berisha, këtë vendim e mori shumë seriozisht, dhe nuk do të shpërngulet për në Shqipëri, ndërsa anëtarët tjerë të kryesisë së LDK-së, përfshirë këtu edhe kryetarin e LDK-së për Sharr, z.Halim Shemsidini (ish- kryetar i komunës) dhe sekretari i LDK’së, Shaban Halimi ( ish-deputet i LDK-së në Kuvendin e Kosovës ) nuk e respektojnë këtë vendim dhe të parët ishin ata që ja mbathin (ikin) dhe kalojnë në Shqipëri. Pra me këtë rast duket se Ruzhdiu tradhëtohet nga “shokët”e LDK-së dhe kjo tradhëti do t´i kushtojë me jetë. Gjatë qëndrimit të Ruzhdiut në Buqe ( në fshatin e tij të lindjes ), forcat kriminale serbe ( përmes informatorëve shqipfolës ) i bien në gjurmë, dhe pasi kapet maltretohet fizikisht dhe në fund vritet e masakrohet barbarisht.

Dëshmia rrënqethëse e Sadik Idrizit për vrasjen e 

profesor Ruzhdi Berishës

 

  Në qershor të vitit 1999, kur njësitë e UÇK-së hynë në trevën e Opojës, fillimisht nisën pastrimin e terenit nga minat dhe njëkohësisht morën masat për gjetjen e Prof. Ruzhdi Berishës dhe të disa personave të tjerë që konsideroheshin të zhdukur në këtë trevë. 

 

  PU e UÇK-së, informatën e parë për vrasjen e Prof.Ruzhdi Berishës e mori në fshatin Krushevë të Gorës nga personi Sadik Idrizi, ish-Ministër i Shëndetsisë në Qeverinë e Agim Çekut. Sadik Idrizi është zyrtar i partisë „VAKAT“ dhe aktualisht është deputet i kësaj partie në Kuvendin e Republikës së Kosovës dhe bënë pjesë në GP „Grupi 7+“. Sadik Idrizi ka edhe dy pozita, është: Kryetar i Komisionit për Shëndetësi, Punë dhe Mirëqenje Sociale dhe Anëtar i Komisionit për të Drejtat dhe Interesat e Komuniteteve dhe Kthim.

 

 pozitat e Sadik Idrizit në Kuvendin e Republikës së Kosovës


 

  Sadik Idriz i lindur me 28.02.1954 në fshatin Krushevë, deklaron se në fund të muajit prill 1999 në një lokal - ëmbëltore në Dragash, pronë e një fshatari nga Zlipotoku i Gorës, ka biseduar me një epror serb me emrin e quajtur Mitojeviç Dragutin, i cili në besim i ka treguar se Ruzhdi Berishën e kanë vrarë në karakollin Stojanoviç (në kufi me Shqipërinë). 

 

  Krimineli Dragutin, Sadik Idriz(it) i tregon se: “Ruzhdi Berisha pasi është vrarë është mbuluar me dhe, dhe me dega (dru) dhe kur të nesërmen kemi kaluar aty pari kemi parë se kafshët e egra e kishin shpluar kufomën e tij dhe se ja kishin hëngër njërën pulpë të këmbës.”  

 

  Barbari Dragutin në fund të bisedës, Sadik Idriz(it) i ka thënë, se:”pas luftës do të shkoi në Slloveni sepse rrjedh nga një familje Serbo-Sllovene” dhe me këtë rast ia ka dhënë adresën dhe numrin e telefonit të vetë. Adresa e tij është: Mitojeviç Dragutin - Rusianov TRG-3. Nr.tel. 99386-61-263-632. 

 

Kërkimet e PU të UÇK-së

 

  Pas këtij informacioni të hidhur Policia Ushtarake e UÇK-së nis kërkimin për gjetjen e kufomës së Prof.Ruzhdi Berishës dhe të gjërave përsonale të tij.

  Fillimisht u mësua se letërnjoftimi i prof.Ruzhdi Berishës është gjetur në depon ndërtimore të pronarit Taip Sadikut nga fshati Bellobrad, ( Taip Sadiku ishte informator i UDB-së dhe njëri nga bashkëpunëtorët kryesor të eprorit të policisë serbe Gradimir Zekavica ). Letërnjoftimi së bashku me një dekleratë me shkrim në stacionin e PU-së është dorëzuar nga Kujtim Neziri - vëlla i inspektorit federativ të sigurimit shtetëror serb, Lulzim Nezirit nga fshati Kuk i Opojës. Gjatë hulumtimeve në teren, në shtëpinë e kriminelit Miroslav Gapiç në Prizren janë gjetur: një flamur, patent shoferi dhe libreza ushtarake të prof.Ruzhdi Berishës si dhe një thikë e gjakosur, me të cilën dyshohet të jetë masakruar Prof. Berisha.

Krimineli Miroslav Gapiç


 

  Ndërkohë në Lipjan është gjetur edhe vetura e tij. Pas shumë përpjekjesh, përfundimisht më 19 shtator 1999, disa ushtarë të UÇK-së nën udhëheqjen e Zahadin Krasniqit, afër kufirit Shqiptaro-Shqiptar e gjejnë edhe kufomën e masakruar të Ruzhdi Berishës.

Leja e çarkullimit dhe makina e Prof.Ruzhdi Berishës!


 

  Pas disa ditësh i gjithë ky dokumentacion i gjetur, i është dorëzuar hetuesve të gjykatës së Hagës, me qëllim të hetimit të këtij rasti dhe të arrestimit dhe daljes para drejtësisë të të gjithë atyre që kanë marrë pjesë në vrasjen dhe masakrimin e Ruzhdi Berishës, por për fat të keq çdo gjë ka përfunduar me dorëzimin e këtij dokumentacioni, sepse deri më tani askush nuk është arrestuar edhe pse dihen mirëfilli emrat dhe mbiemrat e atyre që u përfshinë në kapjen dhe vrasjen e intelektualit Ruzhdi Berisha.

 

* * *

  Pas përfundimit të luftës, po në këtë rajon ( në Opojë) bariu i fshatit Brezne Hasan Kadri Krasniqi, te vendi i quajtur “Fusha e Hutit” në drejtim të Lugut të Gjeraçinës, ka gjetur gjashtë kufoma të gjinisë femrore. Ka informuar komandën e UÇK-së në Opojë të cilët menjëherë kanë angazhuar një njësi ushtarake për këtë qëllim. Për këtë krim është informuar UNMIK-u, KFOR-i dhe mediat lokale dhe të gjithë kanë dalur në vendin e ngjarjes (në Brezne) ku kanë marrë të dhënat në vendngjarje si dhe kanë bërë inçizimin e kufomave. 

 

  Pas ekzaminimit të kufomave mësohet, se këto femra të masakruara ishin prej fshatrave të Studençan dhe Ternje të komunës së Therandës (ish-Suharekës).

 

1. Rafije Krasniqi - nga Studençani (49 vjeç), 

2. Behare Krasniqi - nga Studençani (22 vjeç),

3. Bahrije Gashi - nga Ternja (1938),

4. Rahime Voci -nga Ternja (1947),

5. Ajmone Gashi - nga Ternja (1966),

6. Besarta Gashi - nga Ternja (1985).