NË MAQEDONI FITOI NACIONALISTI GRUEVSKI, NDËRSA SHQIPTARËT !

NË MAQEDONI FITOI NACIONALISTI GRUEVSKI, NDËRSA SHQIPTARËT DOLËN TË HUMBUR!Raport nga zgjedhjet në Maqedoni: Balotazhi i djeshëm kaloi pa incidente,

ndërsa fitues doli nacionalizmi maqedonas!

 

NË MAQEDONI FITOI NACIONALISTI GRUEVSKI, NDËRSA SHQIPTARËT DOLËN TË HUMBUR!

 

Në Strugë Ramiz Merko, si kandidat i BDI-së, e sfidoi maqedonasin mysliman Fijat Canoski. Ndërkaq kandidati i PDSH-së, Prof. Dr. Sadi Bexheti, Rektor i Universitetit Shtetëror të Tetovës, sfidoi kandidatin e BDI-së, Hazbi Likën, kryetarin aktual të Komunës së Tetovës. Ndërsa në Gostivar fitoi bindshëm kandidati i pavarur, Prof. Dr. Rufi Osmani, kundër kandidatit të BDI-së Nevzat Bejta. Përkundër këtyre fitoreve, shqiptarët në këto zgjedhje duket se kanë dalur të humbur, pavarësisht se ata garuan në mes tyre dhe festuan fitoret në disa komuna. Në këtë zgjedhje ka fituar vetëm nacionalizmi maqedonas në krye me nacionalistin Gruevski, i cili në këtë shtet sikur po imiton ish presidentin serb, kriminelin Millosheviq.

 Zgjedhjet e rundit të dytë (balotazh) për president të Maqedonisë dhe për kryetar të komunave u zhvilluan në atmosferë të qetë dhe pa ndonjë incident të rëndë.

 

Nga marrëveshja Gruevski - Ahmeti përfitoi 

nacionalizmi maqedonas!

 

  Votuesit shqiptarë qenë vënë para dilemës dhe sprovës së madhe sa i përket votimit për president. Këtij votimi i parapriu një marrëveshje në mes të kryeministrit Gruevski dhe Ali Ahmetit, kryetar i BDI-së. Detajet e marrëveshjes nuk u komunikuan. Publike u bë vetëm thirrja e BDI-së drejtuar votuesve të saj që të votojnë për president kandidatin e partnerit në koalicionin qeverisës, partinë e kryeministrit Grujevski, VMRO-DPMN-në, Gjorgje Ivanovin. Po në kuadër të kësaj marrëveshjeje, Ali Ahme apeloi te votuesit e partisë se tij për kryetar të Prefekturës se Shkupit ta votojnë kandidatin e partisë se Grujevskit. Si shpërblim për këtë kryeministri Gruevski i ka premtuar BDI’së, që votuesit e partisë se tij do t’i votojnë kandidatët e BDI-së për kryetar komune në Tetovë, në Gostivar dhe në disa komuna të vogla rurale.

Gruevski bëri këtë marrëveshje me Ali Ahmetin me qëllim që zgjedhjet për president të mos dështonin, sepse ishte e domosdoshme që të dilnin minimum 40 për qind e votuesve dhe pa pjesëmarrje të votuesve shqiptarë kjo përqindje nuk do përmbushej. Rezultati preliminar i pjesëmarrjes në zgjedhje është 42.29 për qind, që do të thotë se zgjedhjet presidenciale nuk duhet të përsëriten. Po sipas rezultateve preliminare, kandidati i VMRO-DPMN-së udhëheq me dyfish të votave ndaj kandidatit të LSDM-së. Nga ky rezultat shihet se partitë garuese mezi kanë kaluar pragun, i zbritur qëllimisht në 40 për qind. Pragu u kalua me ndihmën e pak votuesve shqiptarë, pjesa më e madhe e të cilëve iu përgjigj thirrjes së BDI-së. 

  Rezultati politik: Grujevski parashihet të ushtroi pushtet absolut, sepse tani nuk e ka pengesë presidentin, dhe rrjedhimisht Maqedonia do të izolohet edhe më shumë, ndërsa shqiptarëve do t’u reduktohen edhe më shumë të drejtat e tyre nacionale. Një shpresë domethënëse e shfaqi sot një qytetar shqiptar, duke thënë se tani Shqipëria, me hyrje në NATO, mund të kushtëzoj Maqedoninë në anëtarësim të saj në këtë Aleancë me veto, nëse nuk ua njeh të drejtat shqiptarëve, të paktën ato të drejta që Kushtetuta e Kosovës ia njeh minoritetit serb.

 

Struga e rrezikuar, megjithatë fitoi kandidati shqiptar

 

  Për Strugën, liderët Grujevski dhe Ahmeti nuk gjetën kompromis, sepse Gruevski vendosi të përkrah jo-shqiptarin Fijat Canoski, i cili prezantohet si maqedonas mysliman. Po kështu edhe partia tjetër maqedonase LSDM udhëzojë votuesit e saj që të votojnë Canoskin. Në këtë mënyrë subjektet jo-shqiptare vetëm në këtë Komunë u bashkuan për të fituar kundër kandidatin shqiptar Ramiz Merko, i cili garoi në balotazh me më se shumti vota, si kandidat i BDI-së. Ai në rundin e parë mori 9.150 vota. Subjektet shqiptare nuk u bashkuan për të përkrahur kandidatin shqiptar. Imer Selmanit, kryetar i Partisë Demokracia e Re, mbajti qëndrim “neutral”, duke ua lënë votuesve të saj që të vendosin individualisht për ke do të votonin. 

  Në rundin e parë kandidati i kësaj partie, Xhevdet Nasufi pat marrë 1.328 vota. Kryetari i PDSH-së, Menduh Thaci, bëri disa prononcime pro dhe kundër. Kandidati i partisë se tij, Dega e Strugës, Menduh Kyra, në rundin e parë mori 5.147 vota. Fillimisht Menduh Thaçi u prononcua se do ta përkrah kandidatin shqiptar në balotazh. Kur u informua për marrëveshjen Grujevski-Ahmeti, thirri votuesit e partisë se tij që të votojnë Canoskin. 

  Së fundi, të premten, ditën e fundit të fushatës, Kryetari i Degës se PDSH-së në Strugë, Mnduh Kyra, thirri votuesit e tij që të votojnë Ramiz Merkon. Ky bashkim i pabujë i qytetarëve dhe jo i subjekteve shqiptare rezultoi me fitoren e shqiptarit Merko, i cili mori 16.666 (51,67%) vota, kurse maqedonasi mysliman Canoski mori 14.958 (46,38%). Shpresoj që, Merko do të di t’ua kthej qytetarëve të Strugës këtë dhuratë që ia bënë në emër të patriotizmit shqiptar. Dëshmi për këtë qe përjetimi personal në hotelin “Lirak” në Tetovë, ku votuesit e Prof. Sadi Bexhetit (PDSH) po festonin fitoren në Tetovë. Ata sapo u informuan se në Strugë fitoi Ramiz Merko, shpërthyen me aplauze e brohorima për fitoren e Merkos, meqë tashmë atyre iu interesonte që Struga të kishte kryetar shqiptar.

Tetova ballafaqim dhëmb për dhëmb - fitues Prof. Sadi Bexheti

 

  Garë tjetër, dhëmbë për dhëmbë, u zhvillua sot në Tetovë dhe Gostivar. Në rundin e parë në Tetovë, kandidati i PDSH-së, Prof. Dr. Sadi Bexheti, Rektori i Universitetit Shtetëror të Tetovës, sfidoi kandidatin e BDI-së, Hazbi Likën, kryetarin aktual të Komunës së Tetovës. Diferenca në mes tyre në rundin e parë ishte vetëm 97 vota në dobi të Hazbi Likës. 

  Votimit të sotëm në Tetovë iu kushtua vëmendje e tensionuar. Tani mbeti që votuesit maqedonas të vendosnin cili nga këta të dy kandidat shqiptarë do të fitonte. Kryeministri Grujevski i kishte thirr votuesit e partisë se tij të votojnë kandidatin e BDI-së, LSDM-ja nuk ishte përcaktuar. Aktivistet e PDSH-së shpresonin se maqedonasit e Komunës se Tetovës do të votonin Prof. Bexhetin, sepse maqedonasit nuk do të pranonin të votonin ish komandantin e UÇK-së, Hazbi Likën, përkundër përcaktimit përkrahës të Gujevskit. 

  Rezultati zyrtar i orës 13.00 të ditës së sotme është 19.425 (48,93%) për Prof. Bexhetin, kurse 18.468 (46,52%) për Hazbi Likën. Kjo kthesë e rezultatit, në krahasim me rundin e parë, mund të shpjegohet me irritimin e një pjese të votuesve shqiptarë dhe maqedonas nga përcaktimi i Ali Ahmetit për të përkrahur kandidatin për president të partisë se Grujevskit dhe me thirrjen e Grujevskit që të votohet Hazbi Lika në Tetovë. Po kështu qytetarët duket se i zemëroi botimi i një dokumenti nga një gazetë e këtushme ditore tre ditë para votimit, nga i cili dilte se Prof. Bexheti paskësh qenë bashkëpunëtor i shërbimit shtetëror informativ (DBK). Në mese të ndryshme ky dokument u vlerësua si falsifikim dashakeq i BDI-së, për të kompromentuar Prof. Bexhetin. Vet Prof. Bexheti ruajti qetësinë dhe nuk u mor me demantim të sforcuar të atij dokumenti. 

 

Befasia kryesore e zgjedhjeve lokale: Në Gostivar kandidati

 i pavarur mund BDI-në

 

  Në Gostivar qe ashpërsuar gara pas rundit të parë, në të cilën kandidati i pavarur, Prof. Dr. Rufi Osmani, sfidoi kandidatin e BDI-së Nevzat Bejta, kryetar aktual i Komunës. Diferenca fituese e Rufi Osmanit rezultoi 6.426 vota më tepër se sa Nevzat Bejta. Edhe optimistët më të mëdhenj të BDI-së ishin skeptikë se do të mund të fitojnë në balotazh, edhe pse shpresonin në përkrahjen e partisë se kryeministrit Grujevski, e cila në zgjedhjet e rundit të parë kishte vetëm 3.858 vota. Sipas rezultateve zyrtare të ditës se sotme, del se Rufi Osmani në balotazh ka fituar bindshëm kundër Nevzat Bejtës me 19.534 (56,61%) votave ndaj 13.329 (38,63%) që mori humbësi Bejta.

  Shpjegimet për këtë rezultat mund të jenë nga më të lloj-llojshmet, por më bindësi duket mitizimi shumëvjeçar i heroizmit të Rufi Osmanit në vitin 1997 dhe karizmatizmi i tij, dukuri këto me ndikim të madh të banoret e kësaj Komune.

Komentim i rezultateve preliminare

 

• Edhe pse BDI-ja fitoi në tre komuna të mëdha (Çair, Saraj dhe Strugë) dhe në shumë komuna rurale, humbja e saj në Tetovë dhe Gostivar është goditje e rëndë, me pasoja të rënda. PDSH-ja fitoi vetëm në Komunën e Tetovës, Demokracia e Re fitoi vetëm në Haraçinë, kurse Rufi Osmani në Gostivar, kurse BDI-ja fitoi në të gjitha komunat tjera, të banuara në shumicë me shqiptarë. Megjithatë tani parashihen lëkundje të mëdha dhe ripozicionime, sepse për këto humbje në Tetovë e Gostivar anëtarësia e BDI-së mund të kërkoi llogari. Ndërsa PDSH-në u rikthye përmes fitores se Prof. Bexhetit në Tetovë. Për momentin mbetet i paparashikueshëm Rufi Osmanin, nëse do t’i bashkëngjitet ndonjërës nga partitë, ose do të formoi parti të re. Shanset për profilizim politik i kanë sidomos Rufi Osmani dhe Sadi Bexheti dhe nëse këta të dy vendosin të themelojnë parti të tyre, atëherë partitive aktuale shqiptare do u krijohet konkurrencë serioze. 

 

• Në pushtetin qendror BDI-së mund t’i rrezikohet partneriteti “bashkëqeverisjes”. Gjithsesi pritet që pozicioni i saj në koalicion me partinë nacionaliste të Grujevskit t’i dobësohet, nëse Grujevski do vazhdoi ta mbaj formalisht atë në koalicion.

 

• Nëse BDI-ja vazhdon të mbetet në koalicionin qeverisës, priten konfrontime të mëdha në mes të qeverisë dhe komunave të Tetovës dhe Gostivarit, sepse as 40 për qind e pushtetit qendror nuk është decentralizuar në favor të pushtetit lokal. Kësaj duhet shtuar se deri tani kryeministri Grujevski ishte frenuesi kryesor i decentralizimit. Tani edhe BDI-ja, e cila e ka ministrinë e pushtetit lokal (me ministër të padukshëm Musa Xhaferin), mund të mos insistoi që ta qoi përpara decentralizimin, siç insistonte deri tani, më qëllim që këtyre komunave tu shkaktoi pengesa.

 

• Përgjithësisht shqiptarët dolën të humbur, pavarësisht se garuan në mes tyre dhe festuan fitoret në komunat përkatëse. I fituar doli vetëm nacionalizmi maqedonas në krye me nacionalistin Gruevski, i cili në Maqedoni sikur po imiton ish presidentin serb, kriminelin Millosheviq.