Mehmetali Rexhepi / PËRTEJ MITIT

Nimfa Tue Apr 07, 2009 2:45 pm

Ukshin Hoti
Mehmetali Rexhepi
PËRTEJ MITIT
(Ukshin Hotit)

Me duar në zinxhirë
mijëra mynxyrë
*
E gjatë është dita
e stërgjatë nata
dhe viti
Nënës pritja
luleshpresa
i çeli e veniti
*
Sa e sa dimra
sa e sa vera
vetëm krahnez e ngrica
me ethe vapash ngela
*
Ku mbetën lulet
që në borë i çela
*
Pas çdo shqiptimi
ofshamë trishtimi
*
Je kodër e brengës sime
lumë i thellë i mendjes trime
*
Nga zemra në zemër
trimi mbolli pemën

*
Prej zemre në zemër
ura e dashurisë
Urën deri te Ti
pengu e prish
*
“Demokracisë autentike”
Ti udhën ia lype
*
Pusi djajsh
djallëzisht e përmbys
sublimen
e madhështisë
*
Sogjetar i mbërthyer
prore i shtyrë
të hynte në ferr
e të dilte në tmerr
*
Fijet e shpresës
urëza të qëndresës
zgjaten tëhollohen
nuk këputen as rrënohen
*
Soj i djallëzuar
qofsh shtarë
dritëmendje e Prometheut
Ai shqipfarë
Ai shkëlqim i Njeriut
nuk ka të shuar
kainë të verbuar

*
Si nuk i hapet dera
të na ngrohet era
të shkrij akuj në zemra
ta sjellë verën pa gjemba

GJILAN, dhjetor 1999