SI MUND TA NJOHESH KARAKTERIN E NJERIUT?

Orfe Fri Jan 02, 2009 5:58 pm

SI MUND TA NJOHESH KARAKTERIN E NJERIUT?

Ta njohesh karakterin e njeriut, sa është vështirë, poaq është edhe lehtë, kur ke zgjuarësi, mendjemprehtësi, kur e vërenë, përcepton njeriun në fjalët e para të tij/saj (sado që mundohet të fshehet, maskohet, mbulohet me dinakëri).

Demosteni shkroi librin ''MBI KARAKTERET'' dhe na jep një shenim shumëtëfrytshëm, për karakteret e njohjen e tyre... Ai thot: kur takon njeriun, e sheh apo parasheh krejt karakterin e tij/saj.

Unë them, se krejt mvaret kah i shkojnë sytë njeriut, i shkon edhe mendja. Dikush posa fillon biseden, ta ndërprenë me fjalët: shih atë kalë, si kullotë. Shih atë gomar. Shih ai/ajo si ecën. Shih, ata si grinden. Shih ata si shikojnë si vjedullakët nëpër bira. Shih atë si pispilloset. Shih ata si urrehen. Shih ai/ajo sa budallë qenka. Shih ai/ajo çfarë na flet. Shih si u rrahen, apo u vra x y. Shih ai si vjedhë, plaçkitë. Shih ai/ajo si mashtron etj.

Thonë: miku të shikon në sy - armiku në këmbë, pra vish këpucë të bukura, të plasësh armikun dhe mbaj sytë të pastër, të çiltër, të dashur për mikun.

Po të analizojmë karakteret e antarëve të një forumit, krejt lehtë mund të vlerësojmë edhe karakteret e tyre, mu në fjalët e tyre, sepse fjalët tregojnë karakteret (dinak, dhelparak, shties, shpifës, intrigues, injorant, dashakeq, smirëzi, ngatrrestar, shakaxhi, i pabesë, i paskrupulltë, i sëmurë psikik, psikopat, psikoman, shizofren, manupilues, vegël e huaj, tradhëtorë, kriminel, vrasës, spijun, monafik, kapadahi, sharllatan, mistrec, mendjemadh, hipokrit, hasretxhi, posta e dreqit etj. dhe tash ju gjeni të kundërtat pozitive të gjith këtyre karaktereve negative të njeriut, që i hasim pothuaj në të gjitha forumet tona, po edhe në bisedat me ta, qe nga filli i bisedave...

Krejt mvaret me kënd ke bisedë, me kënd ke punë, me kënd ke shoqëri, miqësi, dashuri, e me kënd jeton. Poashtu krejt mvaret edhe kush je ti përballë atyre përgjegjëseve?

Pra, kush je ti dhe me kënd flet edhe kush është ai/ajo dhe me kënd flet ai/ajo.

Qëllimisht këto thema të sotme, i bëra tek Biseda e lirë, sepse sa ju duket e lehtë, poaqë është edhe ma e vështira - biseda e lirë, sepse vetiu është universaliteti i njeriut, ku shihet e gjith karakteristika e tij/saj dhe e gjithë shoqëria, miqësia, dashuria e jeta po edhe vet fati.

Nuk thanë kot: tregom me kënd rrin, të kallxoj kush je ti. Nëndejsh me hoxhë - bëhesh hoxhë, e nëse rrin me dreq - bëhesh dreq!

Pyetja madhore, primare, kryesore, esenciale, thelbësore: kush jam unë?

1. Njeri që beson shumë, apo besoj edhe njëkohësisht mbaj nën kontroll vetveten, e tjetrin
2. Shoqërohem me gjithkënd - apo i zgjedhi shokët/shoqet
3. Miqësohem me gjithkënd - apo i zgjedhi miqët tepër, e pastaj mbledhi lëvozhgat
4. Dashuroj shumë e tepër sinqerisht - apo dua e dashuroj veçsa për një interes personal
5. Veproj, sakrifikoj, flijohem për atdheun - apo fshehem, shikoj nga bregu, nuk më intereson
6. Mendoj e veproj për mirë, apo më del keq, injorohem, xhelozohem, manipulohem, intrigohem
7. Mundohem të jemë UNË, apo paraqitem sikur duhet të jemë në të vërtetë!

Lexues të nderuar

Këto thema të sotme, janëpaksa tëvështira e ndoshta të pakapshme për dikend, por me një sy kritik, mençuri, drejtësi e guxim - secili mund të spjegoj diçka... përndryshe jemi tëdetyruar, të mësojmë shumë, e të flasim sa ma pak e për merak - rrallë e përmall...