Laureta Meci

Laureta Meci
Një aktore dhe këngëtare në Nju Jork

Laureta Meci, shqiptarja që po jeton ëndrrën amerikane

Blerina CARA

Amerika do të shërbente si "hajmali" për të. E dinte që më parë ndaj dhe vendosi të largohej nga Greqia ku jetonte me prindërit e saj, drejt Nju Jorkut ku mundi të realizonte ëndrrën e saj për t'u bërë aktore. Për Laureta Mecin, vajzën nga Kuçova nuk ka qenë e lehtë të arrijë këtu ku është. Por bindja se puna dhe këmbëngulja bëjnë mrekullira i kanë shërbyer vajzës me paraqitje mesdhetare të realizojë "ëndrrën amerikane". Ka qenë fytyra e produkteve të "American Culture", sapo ka mbaruar së incizuari këngën "Respekt me", ka qenë pjesë e videos së këngës së Moby "Lift me up", ka debutuar në filmin "Legacy of Sith" si dhe po vazhdon xhirimet për filmin "Shadow Kill" ku luan rolin e një superluftëtareje. Në një intervistë për "Tirana Observer", Laureta Meci rrëfen si hyri në rrugën e kinematografisë, projektet për të cilat po punon dhe planet e saj muzikore.

Laureta, na tregoni se si u futët fillimisht në rrugën e kinematografisë. Si ndodhi që nga fillimi kur vajtët në SHBA?
Së pari, dua të them se ideja për aktrim në film më ka lindur që nga fëmijëria. I kam dëshiruar edhe si e vogël mjaft filmat e posaçërisht ata të aksionit. Një ndjenjë e tillë dashurie ndaj filmit më ka përcjellë tërë kohën edhe kur isha me familje në Greqi. Janë të pa përshkruara mundimet rreth sigurimit të vizës për studim si dhe jeta vetanake e një femre në metropol, pa njohur njeri dhe me njohuri jo të mira të anglishtes në fillim. Pra, së pari, u mora me gjuhën gjersa gjatë studimit aktrova edhe në një dramë në teatrin e fakultetit, e cila u mirëprit dhe kolegët me inkurajonin se unë duhet të ndiqja aktrimin. Pasi mbarova studimet, atëherë isha pak më e lirë, dhe fillova të provoja të ndjek ëndrrat. Së pari vajta tek një fotograf dhe bëra disa portrete bardh e zi dhe i dërgova nëpër agjenci të ndryshme. Mbas disa ditësh mora një telefonatë nga një agjenci që kërkonte t'iu dërgoj edhe dhjetë foto të tjera. Dhe mbas disa kohësh mundësia e parë mu dha që të reklamoj dhe të pozoj për një kompani me produkte flokësh që quhej "American Culture". Unë për ta do të isha vajza në posterat e produktit anë e mbanë Amerikës.

Kush ishte personi i parë që vuri re talentin tuaj dhe ju ndihmoi në këtë drejtim?
Fati deshi dhe u lidha me një producent të kanalit televiziv "Sci-fi" Usa Networks, producenti i filmit John Bailey. Vazhdova të paraqitem në audicione dhe më bënte përshtypje që më thërrisnin, por rëndomtë më kualifikonin se jam etnikisht e përqendruar dhe mund të më jepej rol i ndonjë të huaje, por jo amerikane. Një ditë kur u lajmërova nga një agjenci më bënë të ditur se duhej së pari të kryej ndonjë shkollë për aktrim, sepse, sipas tyre, kisha paraqitje që më mundëson karrierë në film. Fillova studimet në shkollën e aktrimit në Nju Jork (Stella Adler School of Acting), të cilat i kreva me sukses.

Në çfarë projektesh jeni e impenjuar aktualisht?
Tani sapo kam mbaruar së incizuari këngën "Respect me", dhe jam në përfundim të videoklipit. Kënga është një pop-dance, të cilën e këndoj e shoqëruar me dy përcjellës meshkuj (rap) Sydefex and Know One dhe grupin e kërcimtarëve. Producenti im në këtë Brian Rund njëkohësisht miksimin e "The preshow" të këngëtarit Usher në koncertin e tij live në Puerto Rico si dhe është fitues i disa çmimeve. Ekipi dhe unë personalisht presim mjaft. Videoklipi do të jetë diçka fantastike, jemi duke përfunduar post production. Kemi përzgjedhur një garderobë jo të zakonshme, kemi punuar shumë dhe shpresoj se kjo nismë do të jetë e mbarë, pasi jam në incizimin e këngës së dytë. Kënga dhe videoklipi do të dalin në treg në maj të këtij viti. Gjithashtu jemi duke përfunduar filmin "Shadow Kill 2" me co-star Tom Spackman. Ngjarjet e këtij filmi zhvillohen përafërsisht në vitin 2100 ku dy superfuqitë botërore SHBA-ja dhe Evropa e bashkuar luftojnë për dominim. Ushtria e kloneve në të njëjtën kohë mundohet të fitojë pavarësinë nga shteti amerikan dhe karakteri im përveç misioneve të ndryshme gjithashtu udhëheq klonet drejt pavarësisë së tyre.

Sa e vështirë ka qenë për ju të ecnit përpara drejt realizimit të ëndrrës suaj?
Në Kuçovë në vendin tim të lindjes nuk m'u dha asnjë mundësi për artin, pasi unë u largova mbas shkollës së mesme. Vajtja në Greqi ka qenë e mundimshme dhe e dhimbshme sikurse e çdo emigranti tjetër. Atje jetova me babanë, Janaqin, nënën Natashën si dhe dy motrat Eldën dhe Katjonën. Kemi jetuar një jetë normale dhe të gjithë punonim. Në shpirt dhe zemër gjithnjë kisha një dëshirë që fatin ta kërkoja në "Vendin e Premtuar". Këtu u deshën vite me mundime, sakrifica dhe këmbëngulje tepër të mëdha që të arrija diçka. Familja ime është tepër e lumtur për suksesin tim. Pa kurajon dhe dashurinë për artin që më kanë dhuruar, unë nuk do t'ia kisha dalë mbanë.

Ku jetoni aktualisht?
Unë jam e vendosur në Long Island, Nju York. Në Manhatan kam studion dhe ekipin.

A keni në plan ta vizitoni Shqipërinë së afërmi?
Do të dëshiroja që t'i bëj një vizitë Shqipërisë dhe dua që kjo të ndodhë sa më parë. Kam shumë dëshirë të vizitoj qytetin tim të lindjes, Kuçovën, të cilin e kam braktisur prej 10 vjetësh, Zagorinë, tek gjyshërit, ku kaloja pushimet e verës. Jetoj me ëndrrën që edhe atje të bëj diçka, të jap kontributin tim, qoftë në film, muzikë, art apo në ndihmë njerëzve të mi, popullit tim me të cilin krenohem.

Jeteshkrimi
1977: Lindi në Kuçovë, ku dhe jetoi deri në vitin 1995, kur u largua në Greqi me familjen
1998: Mbërriti në Nju Jork
Ka marrë mësime aktrimi në shkollën "The Stella Adler School of Acting"
Luan rolin e një agjenteje në filmin "Shadow kill"
Ka qenë balerinë në videon muzikore të Moby "Lift me up"
Sapo ka mbaruar së incizuari këngën "Respekt me"
Ka qenë modele për shumë reklama si "American Culture", "Kara Janx Fashion Collection", ""Angelic" Gallery Piece" etj.

Laureta Meçi rrëfen jetën e saj artistike në Amerikë

Unë shqiptarja që "çmenda" regjisorët e Hollivudit

Nga Anila Mema

Është e guximshme. Nuk trembet asnjëherë parbëllë vështirësive. E për të motoja është vetëm shpresa. Ndoshta edhe arma që mbajti në duar gjatë xhirimit të filmit "Shadow Kill", i ka dhënë asaj më shumë forcë. As rrobat e një ushtari që do të rendte gjithë kohën pas "luftërave", nuk do ta mposhtnin për të realizuar ëndrrën e saj.

E pikërisht në Amerikën e largët ajo gjeti ëndrrën. Laureta Meçi, bukuroshja nga Shqipëria, këto kohë ka pushtuar ekranet amerikane, me filmin e saj më të ri "Shadow Kill". Është protagonistje në këtë film fantastiko-shkencor të regjisorit të njohur John Bailey, i cili u vlerësua si filmi më i mirë në Festivalin e Filmit në Kaliforni. Për "Panoramën", Meçi rrëfen impresionet e rolit të parë dhe të suksesshëm të saj.

Pse u larguat nga Shqipëria?

-Nga Shqipëria jam larguar në vitin 1998, pasi mbarova shkollën e mesme të përgjithshme në Kuçovë. Si shumë të tjerë, unë dhe familja ime shkuam në Greqi. Në Greqi jetova dy vjet e gjysmë, e më pas vendosa të shkoja për studime në Amerikë, për komunikim dhe media. Pasi përfundova universitetin, vazhdova një kurs gjashtëmujor në një nga shkollat më prestigjioze të Amerikës, "American Culture". Aty pata "suksesin" tim më të madh, pasi njoha mjaft aktorë të tjerë dhe mësova shumë gjëra në lidhje me artin dhe aktrimin. Aktrimi është një nga ëndrrat e mia të hershme, madje të aktivizohesha nëpër televizione për mua ishte një dëshirë, për të cilën luftoja edhe në Shqipëri, por nuk m'u krijuan asnjëherë mundësitë për t'u angazhuar me art. Gjithashtu, edhe në Greqi nuk pata asnjë mundësi, ndoshta këtë herë ishte rasti i duhur, në kohën e duhur për të nisur atë rrugë që e kisha ëndërruar prej kohësh.

Interpretoni protagonisten e filmit të njohur "Shadow Kill". Si erdhi ky rol tek ju?

-Në Amerikë mësova shumë gjëra. Dëgjova diku se dërgoheshin nëpër agjenci të ndryshme fotografi dhe CV për kinoprova për filma, apo teatro. Kështu që vendosa të dërgoja në shumë adresa një fotografi timen, që ishte vetëm portret dhe CV-në time. Pas saj pata shumë telefonata të ndryshme. Në atë moment fillova të ndieja kënaqësitë e para. Më ftuan të bëja kinoprovat për filmin "Shadow Kill". Aty kishte edhe shumë aktorë të tjerë të njohur, ndër të cilët isha edhe unë. Por unë pata shansin të përzgjidhesha si protagonistja e filmit. Dhe kështu u gjenda në krahët e këtij roli, jo pak të vështirë.

Roli juaj i parë. I suksesshëm. Ju keni interpretuar në rolin e një ushtareje që gjithë kohën lufton. Sa i vështirë ka qenë për ju ky rol?

-Të them të drejtën ka qenë me të vërtetë një rol tepër i vështirë, duke pasur parasysh se qe edhe interpretimi im i parë, pavarësisht se unë isha mësuar me kameran. Është një film fantasitiko-shkencor, i cili para pak kohësh u vlerësua si filmi më i mirë në Festivalin e Filmit në Kaliforni. Ndërsa tashmë do të marrë pjesë edhe dhjetë festivale të tjera që do të organizohen këtu në Amerikë. Përgatitja për këtë rol ka zgjatur tre muaj. Gjatë kësaj kohe më është dashur të bëja shumë stërvitje, për ditë të tëra, që të arrija në nivelin e duhur për personazhin që kisha. Mbaj mend se kur ishim në sheshxhirim, kishte pjesë të tilla ku më duhej të hidhesha nga ndonjë lartësi dhe këtë më duhej ta përsërisja shpeshherë. E përfudimi i kësaj përgatitjeje ishin këmbët e nxira, ngaqë isha rrëzuar.

Për çfarë po punoni ndërkohë?

-Tashmë po xhirojmë pjesën e dytë të këtij filmi, e cila është një orë e 45 minuta e gjatë, me co-star Tom Spackman. Filmi është duke u xhiruar në Long Island dhe në ndërtesën dhe pronat e kanalit "Sci-fi". Sapo kemi filluar dhe jemi tepër të gëzuar si unë, ashtu edhe ekipi i filmit. Në këtë seri ngjarjet vërtiten rreth së ardhmes ku dy superfuqitë botërore SHBA-ja dhe Evropa e Bashkuar luftojnë që të dominojnë në botë. Ushtria e clone-cyborg-ëve të SHBA-së lufton për pavarësinë e tyre nga shteti amerikan. Karakteri im, i cili përfaqëson klonet mundohet të udhëheqë dhe të zgjojë klonët e tjerë që shfrytëzohen dhe përdoren nga shteti për misione të ndryshme dhe, sigurisht që eliminohen dhe zëvendësohen me të njëjtin klon.

Tashmë mund të quheni një vajzë me famë. Sa e rëndësishmë është kjo për ju?

-Sigursht ishte një rol mjaft i bukur dhe një eksperiencë të cilën nuk e kisha provuar më parë. Madje, them se deri diku kam arritur të kap gjërat thelbësore që duhen për një aktor. Por edhe fama për mua ka shumë rëndësi. Së pari, është një falënderim për djersën, sakrificat dhe vuajtet që unë kam pasur gjithë këto vite, për të arritur deri këtu. Së dyti, është një mesazh për vajzat e reja shqiptare që ëndërrojnë guximshëm, që të mos humbasin shpresat dhe të ëndërrojnë majat, se nëse nuk resht së vrapuari pas ëndrrës çdo gjë është e mundur në këtë botë

"Shadow kill"

Laureta Meçi në filmin e saj të parë luan rolin e një kloni të manifakturuar gjenetikisht. I krijuar ilegalisht për të ndërmarrë aksione shumë të rrezikshme për ushtarët normalë. Misioni i saj, të evidentojë dikë me njohuri për planin e megakorporatës "Amasia's", për të krijuar një ushtri të klonuar më të madhen dhe më të pathyeshmen e të gjitha kohërave. "Shadow Kill" është një nga eksperimentet paraprake në fushën e teknologjisë. Regjisorët para se të realizonin këtë film premtuan se do të ofronin diçka ndryshe nga filmat e zakonshëm.

Dhe në të vërtetë ashtu ndodhi. Për dekada të tëra regjisorëve iu deshën shpenzime të shumta, si dhe një ekip për ta bërë më të thjeshtë filmin. Kjo ndryshoi gjatë viteve të fundit me zhvillimin dhe përhapjen e kamerave të vogla. "Shadow Kill" u prodhua në shtëpinë "Adobe Premiere" nga regjisori John Bailey. Filmi më pas u shpërnda në Avid Media Composer për të siguruar një format të cilësisë më të lartë se mini DVD. Së fundmi por natyrisht jo e fundit muzika origjinale u kompozua për "Shadow Kill" nga Cliff Schwarzm, kolona zanore e të cilit la gjurmë në film. Gjithsescili i përfshirë në prodhimin e "Shadow Kill" shpenzoi ditë dhe orë të tëra me një punë shumë të ngarkuar të gjithë pa pagesë për të projektuar kompletimin e këtij projekti. Përdorimi i kamerave, si dhe shtimi i ekipit përveç të parit kontribuoi në arritjen e një kostoje të ulët. Falë ofertave të tyre Shadow Kill u prodhua me një buxhet që nuk e kaloi shifrën 15000000 dollarëve, të cilat u shpenzuan për kostumet kompjuterët, softuera, si dhe pë një kurs për të mbajtur turmën dhe figurantët të lumtur para kamerave.

Bukuroshja nga Kuçova
Jetonë në Nju-Jork që prej 7 vjetësh. Ndërsa gjatë vitit 1998 familja Meçi do të emigronte drejt Greqisë, ku ndodhet edhe sot. Aktorja Laureta Meçi është vetëm 25 vjeç dhe vjen nga qyteti i Kuçovës, të cilin e ka "braktisur" para dhjetë vjetësh. Është vazja e madhe e familjes. Vazhdimisht punon dhe tashmë ka nisur të aktivizohet shpesh në rrugën e artit. Kjo e bën të ndihet mirë, aq sa nuk e ndien aspak mungesën e kohës së lirë. "Unë kohë shumë të lirë nuk kam, pasi duhet që të vete vazhdimisht në intervista të ndryshme dhe me filmimet me orë të zgjatura pak kohë më mbetet për argëtim, megjithatë në fund të ditës, ndonëse e lodhur nuk bëhem pishman, pasi ky është dëfrimi me i këndshëm dhe kënaqësia më e madhe për mua, të kem profesion ëndrrën time që kam pasur që në fëmijëri", tregon Meçi për gazetën. Dëshira e saj është të udhëtojë nëpër vende të ndryshme turistike.

Aktore Shqiptare në Amerikë
Laureta Meci: Vajza e aksionit në filmat amerikanë

Beqir SINA, Nju Jork, SHBA

Laureta Meci, vajza shqiptare qe emigroi para shtate vitesh ne Amerike realizon endrren e saj ne boten e filmit; per pak kohe behet ikona e produkteve te flokeve ne te gjithe Ameriken, derisa arrin te hyje si nje aktore e vleresuar e aksionit ne serialet e filmave "Shadow kill", "Stargate", "Battle Star Galactica", "Andromeda" etj.

LONG ISLAND - New York NY: Para shtate vitesh kur shkoi ne Amerike nisi ta kerkonte fatin te rastesia. Laureta Meci, sot nje aktore e kerkuar, fillimisht iu desh te bente "headshots" me shpresen qe nje dite do t'i hapeshin dyert.

"M'u desh mundim, sakrifice dhe sigurisht disa vjet qe te hidhja hapat e para ne rrugen e artit", kujton Laureta, imazhi i se ciles u be ikone e nje serie produktesh te flokeve ne te gjithe Ameriken. Fotografite dhe posterat e saj shoqeronin produktin neper dyqane dhe vitrinat e tyre, duke zene dhe faqet e para te revistave, si Billboards. Kur vajza e bukur u vu per here te pare ne cakun e filmit amerikan. Tani nuk behej me fjale per endrra, por per nje realitet te prekur. Ambicja, pergjegjshmeria, jane armet qe i dhane shpirtin e aventures Lauretes. Ndersa ne auditore te ndryshem te Manhatanit, iu dha mundesia te jepte prova per filmin e saj te pare "Shadow kill". Ne Florida, filmi ku ajo interpreton rremben cmimin e pare ne nje festival filmi. Media dhe kritika leshojne nje sere vleresimesh dhe per aktoren e bukur shqiptare. Me pas vijne serialet e filmave "Stargate", "Battle Star Galactica", "Andromeda", qe perbejne rezymene e deritanishme te vajzes shqiptare qe u ul para 7 vitesh ne token e premtuar, ne Amerike.



Kush eshte Laureta Meci, sot ne boten amerikane te kinematografise?

Por, as shume e as pak, po mundohem te ec dhe te vazhdoj rrugen te cilen me kane lene qe nga me te medhenjte e skenes dhe ekranit te vendit tim si: i madhi Kadri Roshi dhe Sander Prosi, duke vazhduar te gjigandet e skenes evropiane dhe asaj boterore: si Aleksander Moisiu, Stan Dragoti, vellezerit Belushi e me radhe...

Si u "zbuluat" ne boten e filmit?

Mund t'ju them se nje sere faktoresh kane ndikuar per zbulimin ne boten e filmit. Mund te permend kembenguljen, deshiren dhe pasionin tim per artin, mund te them rastesia dhe fati dhe sic eshte dhe thenia amerikane "In the right place at the right time", "Ne vendin e duhur dhe kohen e duhur", kane ndikuar paksa per hyrjen time ne boten e filmit. Po eshte e ditur se isha une qe kerkova rastesine dhe fatin, e nuk erdhi ai tek une. Une jetoj ketu qe prej 7 vjetesh dhe ne vitet e para kisha filluar te dergoj fotoportrete (headshots) ne destinacione te ndryshme, me shpresen qe nje dite mund te arrija dicka ne boten e artit. Por u desh mundim, sakrifice dhe sigurisht disa vjet qe te hidhja hapat e para ne rrugen e artit, duke filluar atje ku u zgjodha si modelja kryesore per nje seri produktesh te flokeve ne te gjithe Ameriken, dhe fotografite e posterat e mi shoqeronin produktin neper dyqane dhe vitrinat e tyre, ne revisten "Billboards" dhe reklama te ndryshme.

Pavaresisht se isha dhe jam e apasionuar me artin ne pergjithesi, kisha shume deshire filmat "aksion".

Sic edhe e permenda, se duke shkuar neper auditore te ndryshem ne Manhatan, m'u dha mundesia dhe qe te jepja prove per filmin e pare amerikan qe luajta, me titull "Shadow kill". Por kryesore dhe vendimtare nga faktoret ka qene ajo enderr, qe filloi ashtu si nje enderr feminore qysh ne moshen 7-vjecare, ne te mesmen, kur mesuesit, prinderit, shoket e miqte e prinderve e kishin fiksuar portretin tim, por mbi te gjitha ata kishin fiksuar shpirtin tim per artin. Por do te duheshin komente me te vertete profesioniste, qe te fokusonin portretin dhe shpirtin tim per art. Dhe ajo enderr, qe filloi si enderr feminore, arriti te shnderrohej nga nje enderr e madhe, te kthehej ne realitet, vetem ketu ne "Perendimin e larget", ne SHBA.

Si e keni pare vetveten deri tani ne rrugen e kinematografise amerikane?

E shoh veten si ne boten e cudirave, sepse qe kur isha ende femije 7 vjec, sic e thashe dhe me lart, e enderroja kete bote te cudirave, derisa sot e shijoj dhe e prek kete bote. Sigurisht qe ky udhetim ne boten e artit qe kam filluar do te vazhdoje edhe me tej, edhe pse enderroj dhe mendoj se kjo i kushtohet dhe vendit tim te lindjes, Kucoves, ku une kalova nje pjese te konsiderueshme te jetes time.

Shkele ne Amerike gjithnje me nje enderr te fshehte ne mendje dhe qe e preke si realitet, filmin. Cili eshte ky sekret i juaji qe ju beri ta ndryshonit jeten?

Jane nje sere faktoresh, por me te rendesishmit dhe te qenesishmit jane: ambicja, (duhet te dish se cfare kerkon nga vetvetja), kembengulja, (ndonese ne momente te zbehta kurre nuk duhet te dorezohesh). Pergjegjesia, per mendimin tim eshte ndryshimi midis suksesit dhe humbjes, dhe me se fundi shansi kur te jepet shfrytezohet ne maksimum, me te gjitha aftesite.

A kishte perputhje kjo e gjitha me endrren tuaj?

Qysh e vogel, sic e permenda me siper, qe ne moshen 7 vjece, ishte teper e cuditshme, sepse me te njejten enderr kam jetuar qe perpara 20 vjetesh, enderroja qe te dilja e te flisja perpara mikrofonit te radios, te dilja perpara kameras se televizionit, perpara kameras se operatorit te filmit dhe perpara ekranit te televizionit. Me pelqenin shume filmat aksion, por qe mund te mbaja dhe une nje pistolete ne dore nje dite, nuk e kapte imagjinata ime ne ate kohe. Ne femijerine time kenga ka qene dashuria ime e pare, duke u pasuar me filmat aksion, kercimin dhe sigurisht pozimin.

Cfare ndryshimi mendon se ka pesuar jeta juaj nga Kucova ne Amerike?

Si ne Kucove e deri ketu ne Amerike, per te mos marre rolin e modestes, ne pergjithesi, une rrjedh nga nje familje e thjesht dhe modeste. Edhe pse rasti me ka dhene te bisedoj e te punoj me njerez te artit, gjithnje mundohem te bej nje jete modeste dhe te thjeshte.

Cfare ju terheq me shume ketu?

Ketu ka shume gjera qe me pelqejne. Por mbi te gjitha me pelqen Amerika, eshte vendi i mundesirave dhe hapesirave, dhe mbi te gjitha ketu jo vetem arti, kultura dhe sporti qe me te vertet vlereson virtuozet, por ketu edhe puna me e rendomte shperblehet dhe vleresohet.

A mund te na thoni cila eshte kritika qe ke marre nga specialistet e filmit, publiku dhe gazetaret?

Deri tani te them te drejten kam qene teper e mirepritur si nga publiku dhe nga gazetaret amerikane. Para disa muajve isha ne Florida ne Megacon, nje festival teper i madh i filmave. Media e Florides si dhe publiku e priti mjaft mire ekipin tone, u perkedhela nga vleresimi qe me bene. Sigurisht qe kjo me jep kurojo si mua dhe stafit, pasi jemi duke xhiruar nje pjese te filmit ne keto momente. Gjithashtu, filmi ka fituar disa cmime te para dhe eshte nominuar ne shume festivale te tjere. Kjo eshte jo vetem kenaqesi dhe vleresim i punes tone, por eshte privilegj dhe krenari qe kritiket e filmave te na vleresojne me cmim te pare. Dhe kjo eshte teper me rendesi jo vetem per mua, por edhe per regjisorin, rezymeja e te cilit perfshin serialet sci-fi "Stargate", "Battle Star Galactica", "Andromeda", etj.

Mirepo, cfare te pelqen me shume rreth qytetit ku po jeton e punon?

Me pelqejne shume gjera, por e vecanta eshte se ketu behet nje jete e vrullshme, e larmishme dhe plot aktivitete. Per mua, Nju-Jorku eshte qyteti i endrrave, i artit dhe i emigranteve. Ke mundesi te komunikosh me njerez nga te gjitha vendet e Botes, te mesosh dhe te informohesh me jeten dhe kulturen e tyre.

Nderkaq, cfare mendimi keni per artistet, filmin dhe kinematografine sot ne Shqiperi?

Mund te flas me superlativa me te larta, qe vij nga nje vend si Shqiperia, me nje histori ku ke per cfare te flasesh. Ne pergjithesi, artistet, filmi, kinematografia ne Shqiperi jane per t'u inkurajuar dhe vleresuar me notat me te larta, por inkurajimi dhe vleresimi me i madh qe artisteve, filmit, kinematografise shqiptare, eshte qe duhet nje mbeshtetje totale financiare, mjete teknike e profesionale dhe akademira kualitative per pergatitjen e artisteve per perzgjidhjen dhe kualifikimin e tyre.

Dhe se fundi, cfare mesazhi do t'u jepnit te rinjve, te cilet kane endrra sikurse ju? Te gjithe te rinjve dhe te rejave u jap kurajo qe te vrapojne pas endrrave te tyre, sepse realiteti nuk eshte shume larg nesh. Dhe Shqiperine ta shikoj ne standardet me te larta.