vendlindja

VENDLINDJA

N’ shpirt e zemër e kam bindjen -

T’ mos e harroj kurrë vendlindjen !

Edhe n’ gjumë gjithnjë ëndërroj –

Si vendlindjen ta vizitoj ?!

Mora rrugën drejt Malësisë -

Drejt themeleve të shtëpisë ,

Ku m’ përkundi nëna s’ pari ,

Ku shkrepë dielli rreze ari !

Por sa hyra n’ shteg te ara –

T’ gjallë e t’ vdekur m’ dolën para !

Në torishtë ku ishte grigja –

M’ dolën para dele e qengja !

Iu afrova afër grigjës –

Tri herë thirra n’ derë të mixhës !

Thirra e thirra me gisht n’ vesh ,

Por askush nuk mu përgjigj !

Mu afrua një zog mali –

Mos thirr kot, o lum ti djali !

Kot po thërret, kot po kërkon –

Këtu askush ma nuk jeton !

T’ vjetrit n’ varre t’ gjithë pushojnë,

T’ rinjtë n’ kurbet të gjithë punojnë ,

T’ gjithë konakët janë rrënua ,

Lopë e dele janë farua ...

Rrugët e vjetra mbet të mjera –

Mbush me kaça , mbush me thera !

N’ hije e fllade nëpër mriza –

Tash nuk shihen ma as miza !

Shkoj te kroi i nënës Laqe –

T’i lajë lotët nëpër faqe ,

Leka ish kalbë e ish harrua ,

Kroi me baltë ishte rrafshua !

Gjilan, më 17.07.2009. Demir KRASNIQI